Lulzim Basha, oligarku që pasurohet me qindra milionë lekë në vit

6 Korrik 2017, 14:39, Aktualitet CNA

Kreu demokrat, Lulzim Basha, është dëgjuar për më shumë se katër muaj, që nga çadra e protestës e deri te fushata elektorale, të flasë me një gjuhë të ashpër dhe të hedhë akuza të forta ndaj atyre, që vetë Basha i quante oligarkët e korruptuar, dhe që sipas tij, kishin ?pushtuar? vendin dhe ekonominë.

Çdo ditë në çadër, para zyrës së kryeministrit Edi Rama, Lulzim Basha iu tregonte shqiptarëve kush janë oligarkët e pushtetit, dhe se ky i fundit, sipas tij, është në duart e një grupi të vogël njerëzish, që kanë zaptuar gjithçka.

Basha fliste për një grusht oligarkësh, që sipas tij, kishin gjithë pasurinë e vendit, e ndërsa shqiptarët vuanin për bukën e gojës. Këta oligarkë ishin klientela e Edi Ramës, sipas Bashës.

Lulzim Basha fliste dhe akuzonte këtë grusht oligarkësh, kur në fakt është edhe vetë pjesë e tyre.
CityNews bëri një kërkim të thjeshtë të pasurisë së Lulzim Bashës në vite publikuar në faqen Open Data Albania, ku rezulton një pasuri në shifra të çmendur e Lulzim Bashës, aktualisht kreu i Partisë Demokratike.

Pasuria e Bashës është e frikshme, madje as shumë biznesmenë me shumë vite eksperiencë nuk kanë një pasuri sa ajo e kreut të demokratëve.

CityNews iu sjell më poshtë me fakte të gjitha shifrat e pasurisë së Lulzim Bashës, që nga viti 2005 deri në vitin 2013. Nga viti në vit, pasuria e Bashës kap shifra stratosferike, nga posti i tij si ministër, kryebashkiak e deri te kryetar partie.

Një tjetër fakt që bie në sy dhe tërheq jo pak vëmendje është se pasurisë së Lulzim Bashës i shtohen çdo vit shifra të majme nga bashkëshortja e tij, Aurela Basha (Isufi). Aurela i shton pasurisë së bashkëshortit një super-shumë, e cila në fakt rritet çdo vit. Shumat janë disa dhjetëra mijë euro në vit.

Pra, Lulzim Basha nuk mund të flasë për oligarkët e klientelës së Edi Ramës, ai nuk mund të akuzojë se pushteti është në duart e një grusht oligarkësh, nuk mund t?iu flasë shqiptarëve për ekonominë. Lulzim Basha është pjesë e këtyre oligarkëve, është njëri prej tyre, që në fakt nuk duket të ketë dhënë ndonjë kontribut në rritjen ekonomike edhe pse një me pasuri marramëndëse. Lulzim Basha është një oligark!/CityNews