web counter
LEXO PA REKLAMA!

SHKARKO APP

App Store
Google Play

E fundit!

x

Ekzekutimi i mjekut me 3 plumba në kokë/Çfarë po ndodh mes familjeve të autorit dhe viktimës

2 Korrik 2017, 15:32, Aktualitet CNA

Policia vijon kërkimet intensive për të gjetur autorin e ekzekutimit të mjekut Ilir Alija, në Shkodër.

Policia ka hedhur dyshime se autori 26-vjeçar, Dritan Ymeri mund të jetë larguar drejt Malit të Zi përmes pikës kufitare të Muriqanit, në mënyrë ilegale.

Në orët e paradites, ndërtesa ku jetonte viktima dhe Dritan Ymeri, ka qenë e boshatisur. Asnjëra prej familjeve nuk ndodhej aty. Të gjithë janë larguar pas ngjarjes tronditëse.

Arsyeja rapotohet se është që palët të mos kenë një përplasje të dytë, duke qenë se situata është e tensionuar dhe familjarët e viktimës, kryesisht djali, nëna dhe bashkëshortja, ndodhen në një gjendje të rënduar psikologjike.

Ilir Aliaj ka lënë dy djem, njërin 15 vjeç dhe tjetrin rreth 4-5 vjeç. Sipas të dhënave, djali 15-vjeçar, i cili ka qenë dëshmitar i vrasjes së babait të tij, po e përjeton në formë mjaft traumatike ngjarjen e rëndë, shkruan ?Gazeta Panorama?.

Por mjaft rëndë e kanë përjetuar edhe nëna e bashkëshortja e tij, të cilat nuk arritën dot të bënin asgjë apo të ndërhynin për të evituar tragjedinë e ndodhur në familjen e tyre. Askush nuk ka qenë në dijeni se i riu i kthyer nga Franca lëvizte me armë në brez.





Lajmet e fundit nga