web counter
LEXO PA REKLAMA!

SHKARKO APP

App Store
Google Play

Si po tallet Basha me demokratët, shqiptarët dhe KQZ

28 Maj 2017, 16:30, Aktualitet CNA

PD prej tri ditësh nuk plotëson dot në zbatim të ligjit listat e kandidatëve të saj në KQZ. Lulzim Basha nuk e ka plotësuar listën, ai ka çuar rreth 90 kandidatë dhe listës i mungojnë të paktën edhe 50 të tjerë.

Arroganca e Bashës shkon përtej një skandali. Ai çon listat një orë me vonesë, duke shkelur afatin përfundimtar. Sot pas gati tri ditësh ende s?e ka plotësuar atë. KQZ ndodhet në ngërç, ka debate të forta. Por, Lulzim Basha ndoshta ka halle të tjera, nuk ka hall të respektojë ligjin, qoftë dhe formalisht në sy të opinionit publik.

Vetëm rreth një muaj më parë, kur përfundonte afati i regjistrimit 28 apo 29 prill, Oerd Bylykbashi, Lulzim Basha, e shumë drejtues të PD, çfarë nuk artikuluan në opinionin publik, me pretendimin se PS ishte regjistruar 24 orë me vonesë. Dhe nga ana tjetër, ndoshta si ai fëmija grindavec, Lulzim Basha e shtyn sa i do qejfi, duke iu treguar shqiptarëve se ai nuk njeh ligj. Mbi të gjitha, listat i bën si të dojë dhe i çon në institucionet përgjegjëse kur të dojë.

Ndoshta ky është rasti kur të gjitha partitë politike në Shqipëri, pa përjashtim, kanë të drejtë të ngrihen kundër KQZ për tolerimin që po i bën Lulzim Bashës, por edhe kundër vetë Lulzim Bashës, duke i treguar se janë e vetmja forcë politike që po kthehen në qesharakë me përkëdhelitë e tyre të pafundme, që nuk i vlejnë askujt./CityNews





Lajmet e fundit nga