E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Kunati i Lulzim Bashës reagon për CityNews/Ne kemi një foto dhe një pyetje

28 Maj 2017, 16:09, Aktualitet CNA

Kunati i kreut demokrat, Lulzim Basha, një nga njerëzit e përfolur shumë dhe akuzuar jo pak, ka reaguar për shkrimin e CityNews në lidhje me faktin se kush e helmoi Lulzim Bashën. Në artikullin tonë ne themi tre fakte.

Së pari, i dyshuari kryesor mund të jetë Rama, ashtu siç do i pëlqente Isufit dhe kunatit të tij.
Së dyti, themi se mund të ishte vetë Isufi dhe stafi i tij, të cilët merren me prapavijën e Bashës.
Së treti, një akt terrorist.

Pra, në analizën tonë, në opinionin tonë, tre janë përgjegjësit. Erion Isufi pretendon se nuk është ai që ndërton skenat e PD. Firmat, sipas Isufit, kanë emër dhe mbiemër. Ai thekson, “Nuk e bëj unë skenën, nuk e kam bërë asnjëherë skenën. Basha ka konsulentë dhe vetë Isufi apo kompania e tij nuk merren me imazhin apo me prapavijën e Lulzim Bashës”.

Ky është qëndrimi që kunati i Z. Basha pati me CityNews.

Më poshtë, po sjellim një foto, e cila është ditën e mitingut të parafundit të Partisë Demokratike, ku siç e shikoni Erion Isufi ndodhet afër regjisë dhe e kontrollon nga një pikë më e lartë çfarë po ndodh. Personi me rreth është Z. Erion Isufi. Ai pretendon se nuk kontrollon asgjë dhe nuk është ai pas kompanisë që merret me prapavijnë e Bashës. Këtë po ia quajmë të vërtetë dhe sqarimin ia botuam të plotë.

Fotoja e mëposhtme në fakt tregon se Erion Isufi nuk është një qytetar i thjeshtë në protestë, por është ai që kontrollon cfarë po ndodh. Në rast se nuk i mjafton kjo provë, jemi të gatshëm t?i sjellim dhjetëra foto-fakte të tjera, ku sfati i tij dhe njerëzit e tij gjatë gjithë kohës merren me çadrën. Apo stafi i tij ndjek nga pas çdo aktivitet të organizuar nga Lulzim Basha.

Këto fakte janë të padiskutueshme dhe të gjithë demokratët apo njerëzit që qëndrojnë në PD i dinë mjaft mirë. Ndryshe nga ata që krijojnë ironi e tallen me Bashën e familjen e tij ne nuk e bëjmë kurrë atë. Ne do të themi vetëm të vërtetën, atë që ndoshta nuk i pëlqen as Bashës dhe as Isufit. Ne nuk mund të themi se Erion Isufi ka marrë 200 mijë euro për të vendosur një kryetar bashkie, ne nuk mund të themi që me kandidatin e Vlorës në zgjedhjet e vitit 2015, Isufi shleu borxhin e një pallati që u shemb nga Rama. Ne nuk mund të themi se Erion Isufi ka marrë 200 mijë apo 500 mijë euro për një kandidat në listat e vitit 2017, nga Shkodra në Vlorë, në Dibër apo Korçë.

Ne nuk i themi ato dhe nuk besojmë që këto para do përdoren nga Isufi për imazhin e kunatit të tij. Ne nuk mund ta akuzojmë pa pasur fakte dhe prova Erion Isufin dhe kompaninë e tij. Por, atë që mendojmë dhe atë që dyshojmë do ta shprehim publikisht. I pëlqen apo jo Lulzim Bashës, Erion Isufit dhe kujtdo tjetër vërdallë tyre./CityNews