Basha si strategu i mediave të qeverisë

8 Maj 2017, 14:10, Aktualitet CNA

Kreu demokrat, Lulzim Basha, kohët e fundit duke kopjuar stilin e Presidentit amerikan, Donald Trump, ka filluar të sulmojë mediat, duke i quajtur të korruptuara, pjesë e aferave të qeverisë, e me radhë. E në qoftë se në Amerikë Trump sulmoi dhe rezultoi i suksesshëm, Basha në Shqipëri mund të jetë i dështuar. Kjo jo për faktin se shqiptarët i duan mediat dhe pronarët e tyre më shumë se amerikanët, por sepse Basha nuk është dhe nuk mund të jetë një Donald Trump dhe as nuk mund t?i afrohet ndonjëherë në parim. Për të vërtetuar këtë të fundit po sjellim disa fakte.

Mediat, të cilat sot Basha i sulmon ashpër, i ka pasur rreth vetes për 10 vite në pushtet, nga 2005 në 2015. Ai njihet si një nga miqtë e ngushtë të Aleksandër Frangajt, edhe më i ngushtë me Irfan Hysenbelliun. Pse jo edhe me mediat e tjera, që ai sot i sulmon. Këtu mund të sjellim si argument edhe Top Channel, me të cilin Basha ka pasur një marrëdhënie specifike. irfani basha

Ata pronarë mediash që sulmon Edi Rama dhe ata drejtues emisionesh e kryeredaktorë, që shpesh i përmend në fjalën e tij për të ekzaltuar turmën në çadër, janë miq të Baahës, drekojnë e darkojnë me të, për më tepër Basha me njerëzit e tij përgatisin dhe servirin lajme në disa televizione. Edhe vartësit e tij ndërhyjnë për të nxjerrë në ekran elementë të caktuar, të cilët janë të preferuarit e Lulzim Bashës.
Kreu demokrat na shet mediat e korruptuara në fjalimet e tij, por harron të thotë se vetë ka qenë pjesë e lidhur ngushtësisht me ta. Jo vetëm me Frangajn apo me Hysenbelliun, por me shumicën e mediave, pronarët e tyre. Me gazetarët nuk ka qenë kurrë afër, përkundrazi mund të jetë politikani që ka qenë më larg gazetarëve në PD, por shumë afër pronarëve. Ka ndarë me ta pazare dhe influenca që kur ka qenë ministër i Transporteve dhe Infrastrukturës, më pas edhe në Bashkinë e Tiranës. Dhe sot i sulmon dhe gjoja po na shet në publik se ata janë armiqtë e fjalës së lirë të Bashës.

basha-frangaj Lulzim Basha është shoku i tyre, është miku dhe ortaku i tyre. Diku sot mund të ketë ndonjë mërzi, por nesër do ta ndajë pushtetin me ta siç e ndau dje. Dhe ato që i tha sot apo ditë të shkuara ka për t?i harruar prapë.

Kreu demokrat ndoshta është i vetmi nga politikanët që nuk ka moral për të sulmuar mediat, jo vetëm gazetarin e fundit të ndonjë redaksie, por edhe pronarin më të pasur, sepse me të gjithë ata, ekskluzivisht me pronarët, Basha ka ndarë afera dhe pushtet. Është një ndër investitorët kryesorë të mediave, dhe sot po korr atë që mbolli dje. Faktet janë me dhjetëra, por çdo pronar televizioni apo gazetë që sot Luli bën sikur e shan dhe gjatë gjithë kohës me ta flet në telefon e qesh për sulmin publik të radhës.

Pra, Lulzim Basha është pjesë e kësaj medieje dhe fasade të pështirë, që kërkon të na thotë se s?ka asnjë lidhje. Ndoshta me gënjeshtra shpreson t?ia dalë dhe kësaj radhe, por vështirë. Faktet janë shumë të freskëta. Askush nuk harron kaq shpejt./CityNews