E fundit!

22:33 Kronika

Përplasen dy automjete në zonën e "Xhamllikut" në Tiranë/ Policia në vendngjarje

Një aksident rrugor ka ndodhur mbrëmjen e sotme në rrugën ...

Edi Rama drejt themelimit të një pushteti erdoganist

2 Maj 2017, 08:04, Aktualitet CNA

Emërimi i Ilir Metës president, edhe me votat unanime ?pro? të deputetëve socialistë të urdhëruar nga Edi Rama, është vetëm hapi i parë i skemës që ky i fundit ka nisur të aplikoj për ta konvertuar pushtetin politik shqiptar nga pluralist në një lloj hibridi erdoganist, që veç fasadën të keta demokratik.

I ndihmuar në këtë sipërmarrje edhe nga mospjesëmarrja në zgjedhje e opozitës, pas mbylljes së hesapeve me Ilir Metën dhe LSI-në e havaleshme në rrugën e tij të vijimësisë kryeministrore, Rama vijoi më spastrimin e rradhëve të kundërshtarëve të vet brenda Partisë Socialiste.

Duke fshirë nga lista e kandidatëve socialistët tradicionalë të serës Dokle, Dade, Leskaj, Kosta etj., apo dhe të ish deputetëve, që nuk kishin garanci se mund të jepnin ?jetën? për të, kryetari Rama i zëvendësoi ata me ?gardistë? të rilindjes, duke parathënë shuarjen e zerave kundërshtues si brenda partisë, ashtu edhe në Parlamentin që pritet të dalë pas mbajtjes së zgjedhjeve të 18 qershorit.

Parlament i cili, përveç ?gardistëve? të Ramës, referuar pjesëmarrjes në zgjedhjet e qershorit e vetëm partive të spektrit të majtë të politikës, pritet të ketë ngjyrën e spektrit të majtë, që Edi Ramën e lakon si idhull të udhëheqësit të fortë.

Në këtë kuptim, lëvizjet që po ndërmerr Edi Rama, janë të ngjashme me ato që ndërmorri Rexhep Taip Erdogani, i cili pas goditjeve të bëra në emër të ?grushtit të shtetit? dhe referendumit të fituar, sot rezulton të jetë i gjithë pushtetshëm në vendimarrjet që, sipas tij, janë të domosdoshme për ta shpenë para demokratizimin e Turqisë.

Duke patur shumicën dërmuese në Parlament, duke qenë President me fuqi të plotë dhe kompetenca të zgjeruara, pas fitores së referendumit, Rexhep Taip Erdogan është momentalisht personi që vërtit në duart e veta të gjitha pushtetet e shtetit gjigand. Madje edhe atë të forcës politike të themeluar prej tij Partisë për Drejtësi dhe Zhvillim, që formalisht drejtohet nga Ahmet Davutollu, krahu i djathtë i tij./ CityNews