web counter
LEXO PA REKLAMA!

SHKARKO APP

App Store
Google Play

Vajza trevjeçare fle vetëm 90 minuta çdo natë

1 Maj 2017, 06:40, Aktualitet CNA

SINDROMA ‘ANGELMAN’, E CILA NUK KA ILAÇ

Kjo sëmundje ia pamundëson asaj që të flasë, prandaj i duhet që të komunikojë duke bërë me gisht kah pikturat e caktuara
Një vajzë 3-vjeçare vuan nga një sëmundje e rrallë, e cila bën që ajo të mund të jetojë duke fjetur vetëm një orë e gjysmë çdo natë. Ever Hisko, nga Renfrju, Ontario, tash vonë është diagnostikuar me sindromën ‘Angelman’, e cila nuk ka ilaç. Jo vetëm që ndikon te gjumi, por kjo sëmundje ia pamundëson asaj që të flasë, prandaj i duhet që të komunikojë duke bërë me gisht kah pikturat e caktuara. Simptomat e tjera të kësaj sëmundjeje janë vështirësitë në përqendrim, deformimet e duarve dhe një disponim gjithmonë i mirë, transmeton gazeta Kosova Sot.

Buzëqeshja e saj është ngjitëse

Sëmundja e vajzës bën që as prindërit e saj, Robin Audette dhe Kirk Hisko, të mos kenë mundësinë të flenë më shumë se 6 orë. Ata flenë me ndërrime, ku njëri prind gjithmonë duhet të përkujdeset për vajzën. E ëma e vajzës është e bindur se e bija do t’i kishte punët shumë më mirë me shëndet sikur të kishte mundur të flinte të paktën 2- 4 orë. “Ajo gjithmonë është në disponim të mirë. Sapo ta shohin njerëzit, bien në dashuri me të. Buzëqeshja e saj është ngjitëse.

Sindroma përzihet me paralizën trunore, apo edhe me autizmin

Një fizioterapeut u ka thënë prindërve se, përpos sindromës, vajza ka probleme edhe me tonusin e muskujve. Sapo ia blenë rrobat e veçanta, që e rrisin presionin, vajza e tyre filloi të ecte. Sindroma e ‘Angelmanit’ shkaktohet nga mutacioni apo mungesa e gjenit UBE3A, që gjendet në kromozomin e 15-të. Në disa raste kjo sindromë përzihet me paralizën trunore, apo edhe me autizmin. Edhe pse për momentin nuk ka ilaç, prindërit e vajzës i mbajnë shpresat te punimet shkencore që janë duke u zhvilluar në këtë drejtim.





Lajmet e fundit nga