Rama mbush listën e kandidatëve me “gardistët” politikë të rilindjes

1 Maj 2017, 08:30, Aktualitet CNA

Të pritura me interes tepër të madh, për shkak edhe të ngërçit politik në të cilin gjendet vendi, listat e kandidatëve për deputetë të Partisë Socialiste përfunduan si mbarsja e malit që kur të gjithë prisnin me padurim daljen e gjigandit u zhgënjyen ligësht kur panë se nga gjithë ajo mbarsje doli veç një mi.

Ndërkohë që shumë emra të rinj u bënë pjesë e listave të Edi Ramës, po aq ?senator të vjetër? e ish deputetë jo fanatikë të Rilindjes, rezultoi të mos ishin prezent si kandidat deputetë për garën e elektorale parlamentare që pritet të mbahen në 18 qershor 2017.

Edhe pse jo pak prej tyre nuk komentuan, ose edhe kur deklaruan mosqënien në lista, e artikuluan atë si një akt dorëheqjeje për ti hapur rrugë të rinjve, do të mjaftonte një ballafaqim i pozicionimit të gjithësecilit prej tyre ndaj ideologjisë së rilindjes ramiste, për të profiluar arsyen e vërtetë. Domethenë atë që në një akt ?ngushëllimi? për përjashtimin nga lista kryetari i LIBRA-s dhe ish deputeti ?rebel? i PS, Ben Blushi e përkufizoi si ?heqje nga Rilindja për shkak se ishin njerëz që nuk miratuan kanabizimin e Partisë Socialiste?.

Sigurisht Blushi e figurativizon motivin e mospërfshirjes në listën e kandidat- deputetëve 2017 të atyre që janë figura emblematike të socialistëve, mirëpo realisht rezulton se profili i qëndrimit të tyre politik në raport me Edi Ramën është shteg i hapur i faktit se duke i eliminuar Edi Rama nuk ka bërë tjetër veçse ka pastruar rrugën e karrierës së tij politike brenda PS-së. Është, pak a shumë, e njejta skemë që e nxiti, deri në padurim, për ta bërë një sahat e më parë presdient Ilir Metën, që të mos e kishte litar nëpër këmbë për postin e Kryeministrit.

Arta Daden, për shembull e largoi sepse nuk ja harroi kërkesën e saj legjitime për të bërë zgjedhje brenda partisë, ndërkohë që Blushi insistonte në zbatimin e kësaj pike të statutit. Por i tillë, një socialist i mënçur, fjalëurtë, orator i pagabushëm edhe aspak dele rilindjeje është edhe Namik Dokle.

Valentina Leskaj, megjithse komunikoi dorëheqjen e menduar prej kohësh, sikurse u shpreh, burime konfidenciale brenda PS pohojnë se u largua pasi nuk mund të vijonte ende më Edi Ramën. Por Edi Rama nuk ja harroi as Vladimir Kostës mosbindjen dhe qënien kundër disa direktivave që cënonin ?vijën e kryetarit?.

?Luljeta Arapi, Pirro Lutaj, Arben Cuko, Namik Kopliku, Vehxhi Mucmata, Erjeta Alhysa, Ylli Zicishti, Anila Agalliu, Eduart Bejko, u hoqën nga Rilindja si njerëz që nuk miratuan kanabizimin e Partisë Socialiste?, perifrazonte Ben Blushi në mesazhin e ngushullimit drejtuar të hequrve nga lista Rama, ku spikasin ?gardistët? politik të rilindjes./CityNews