web counter
LEXO PA REKLAMA!

SHKARKO APP

App Store
Google Play

Zv. Kryetarja e PE, Lunaçek/ E gjatë lista e mëkateve të BE ndaj Maqedonisë

30 Prill 2017, 18:40, Aktualitet CNA

Nënkryetarja e Parlamentit Evropian, Ulrike Lunaçek, duke komentuar krizën politike dhe ngjarjet e fundit në Kuvendin e Maqedonisë për agjencinë austriake APA, ka thënë se është e gjatë lista e mëkateve të BE-së ndaj Maqedonisë.

Mes tjerash ajo ka theksuar mungesën e perspektivës së qartë të BE e cila, sipas saj, do të kishte pas mundësi të parandalojë eskalimin e politikës nacionaliste të Gruevskit. Ajo ka kërkuar nga përfaqësuesja e lartë e BE-së dhe komesari për zgjerim mbështetje më aktive për formim të Qeverisë së re.

?Shefja e diplomacisë së BE-së Federika Mogerini dhe nga eurokomesari për zgjerim Johanes Han të mbështesin në mënyrë aktive formimin e Qeverisë së re, ndërsa Gruevskit dhe partisë së tij t?ua bëjnë qartë me dije se duhet ta pranojnë rolin e opozitës. Përkrah kësaj, BE duhet të rris angazhimin e saj në Ballkanin Perëndimor, ndërsa procesin e zgjerimit ta pozicionojnë si shtyllë kryesore të stabilitetit në rajon?, thotë Ulrike Lunaçek.

Ajo po ashtu, ka kritikuar ashpër edhe sjelljen e ministrit të jashtëm austriak Sebastijan Kurc ndaj krizës në vend, i cili i ka dhënë mbështetje të hapur Gruevskit në zgjedhjet e fundit.

?Me atë, Kurc dhe EVP kanë diskredituar Austrinë dhe BE-në, ndërsa janë diskredituar edhe vetë edhe anëtarë të tjerë të Partisë Popullore Evropiane si ndërmjetësues të mundshëm mbipartiak për stabilitet të Maqedonisë dhe Ballkanit Perëndimore?, thekson Lunaçek.

Ministri i jashtëm austriak në zgjedhjet e fundit parlamentare në Maqedoni, ishte prezent në njërin nga tubimet në kuadër të fushatë zgjedhore të VMRO DPMNE-së./ CityNews





Lajmet e fundit nga