web counter
LEXO PA REKLAMA!

SHKARKO APP

App Store
Google Play

Edhe 48 orë jetë?!/Basha ia pret shkurt Ramës: Dinakëri! S’na blen dot

30 Prill 2017, 18:27, Aktualitet CNA

Kreu i Partisë Demokratike, Lulzim Basha, i është përgjigjur menjëherë kryeministrit Edi Rama, i cili iu dha dhe 48 orë afat për t?u regjistruar në zgjedhje.

Basha shkruan në rrjetet sociale se e gjithë karriera e Edi Ramës është ngritur mbi blerjen e të gjithëve dhe çdo gjëje.

Sipas tij, Rama ka blerë rrugën e tij deri në majën e pushtetit, por e vetmja gjë që nuk ka blerë dot ndonjëherë është Partia Demokratike.

?E gjithë karriera e Edi Ramës është ngritur mbi blerjen e të gjithëve dhe çdo gjëje, të partisë, të aleatëve, të partnerëve, të bizneseve, të mediave, të shoqërisë civile. Me zhagen e lejeve të ndërtimit, të koncesioneve, të favoreve, të parave publike, Edi Rama ka blerë rrugën e tij deri në majën e pushtetit.

E vetmja që nuk ka blerë dot ndonjëherë Edi Rama ka qenë Partia Demokratike. Dje pasi mbylli edhe pazaret e fundit me ata që shiten dhe blihen, pasi bëri një listë kandidatësh me deputetë pasuria e të cilëve e kalon edhe prodhimin kombëtar të Shqipërisë, Edi Rama kuptoi se prapë nuk mund të blejë dot pluralizmin dhe demokracinë, sepse demokratët e vërtetë nuk u shitën. Ndaj me dinakërinë e tij të zakonshme sot u shtir sikur ka hallin e Partisë Demokratike.

Partia Demokratike ka zgjedhur lirinë, pluralizmin dhe demokracinë e vërtetë. Kjo është kauza e drejtë, ky është shërbimi më i madh për popullin dhe për të ardhmen Europiane të Shqipërisë. Partia Demokratike do të dalë më e fortë nga kjo betejë, ndërsa Shqipëria do të ketë Republikën e Re, të vërtetë dhe perëndimore?, shkruan Basha./CityNews





Lajmet e fundit nga