web counter
LEXO PA REKLAMA!

SHKARKO APP

App Store
Google Play

Befason aleati i Bashës/Ja mesazhi për policinë

24 Prill 2017, 22:02, Aktualitet CNA

Kreu i ZHK, Dashamir Shehi, komentoi protestën e sotme të opozitës, duke thënë se dalja në rrugët kombëtare, që bllokoi disa akse për 60 minuta, prodhoi disa rezultate.

Në studion e Top Story, aleati i Lulzim Bashës tha se dita e sotme prodhoi përshkallëzim të protestës.

?Dita e sotme prodhoi një protestë të një natyre tjetër dhe një përshkallëzim të protestës, por që tregoi që mbetet paqësore, në filozofinë e opozitës për 66 ditë protestë. Qytetarët nuk reaguan me negativitet në lidhje me bllokimin e rrugëve. Në Francë njerëzit bllokojnë rrugët për çmimin e qumështit, ndërsa ne e bllokuam një orë për një çështje që nuk ka çmim, si liria dhe vota e lirë?, tha Shehi.

Shehi vlerësoi edhe rolin e policisë. ?Edhe policia u tregua mirëkuptuese dhe unë do t?i thoja faleminderit?, u shpreh ai.

?Kjo është në vazhdimin e asaj që tregon që kapaciteti organizativ i opozitës është shumë i madh. Ne kemi treguar gjatë gjithë kësaj kohe që kemi sensin e vetëpërmbajtjes. Opozita nëse do t?i duhet është në gjendje që të mbledhë më shumë njerëz me mekanizmat e saj. Kjo tregon një maturi?, vijoi ai.

Lidhur me hapat e mëtejshëm: ?Do të shikojmë se çdo të ndodhë këtë javë dhe më pas do të vendoset për përshkallëzimin. Është e parakohshme që të flasim që tani se çfarë do të ndodhë. Unë uroj që këtë javë të ketë bisedime dhe me shpresën që të ketë një zgjidhje?, tha kreu i LZHK-së./CityNews





Lajmet e fundit nga