web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet hetimi/Shefit të Krimeve në Tiranë i gjenden 66 mijë euro

23 Prill 2017, 15:58, Aktualitet CNA

Pasi ish-shefi i krimeve të komisariatit nr.2, në Tiranë, Dritan Metani mori masën e sigurisë “arrest shtëpie”, prokuroria dhe Shërbimi i Çështjeve të Brendshme dhe ankesave ka zbardhur detaje të tjera nga hetimi.

Mësohet gjithashtu se në banesën e Metanit janë gjetur 5 akte noteriale të huadhënies dhe shitblerjes së makinave me një vlerë prej 66.200 euro.

Në datën 19.12.2016 Prokuroria pranë Gjykatës së Shkallës së Parë Tiranë ka regjistruar procedimin penal nr.9791 të vitit 2016. Ky proçedim penal ka filluar për dyshime rreth konsumimit të veprës penale ?Korrupsion pasiv i funksionarit publik? parashikuar nga neni 259 i K.Penal. Ky procedim penal është referuar nga Policia Gjyqësore e Sh.Ç.B.A. Në qendër të këtij referimi të veprës penale është veprimtaria e drejtuesit të Policisë Kriminale në Komisariatin e Policisë Nr.2 shtetasit Dritan Metani.

Shtetasi E. D. ka shpjeguar disa gjëra themelore për hetimin;

Pranoi qe fotot e kryera nga shërbimet e Sh.Ç.B.A. ishin të lokalit të tij dhe të punimeve që po kryheshin atje.

Ai shpjegon se në lokalin e tij I ka evidentuar këto punime nje punonjës I policisë pa emër.

Punonjësi i Policisë e ka adresuar për zgjidhje te shtetasi Dritan Metani.

Shtetasi E. D. ka marrë takim personal me shtetasin Dritan Metani në ambientet e Komisariatit të Policisë nr.2.

Dritan Metani i parashtroi faktin se sipas mendimit të tij veprimet e E. D. ishin veprime të natyrës penale.

Shtetasi K. B. ka ka shpjeguar disa gjëra themelore për hetimin.

Pranoi qe fotot e kryera nga shërbimet e Sh.Ç.B.A. ishin të lokalit të tij dhe të punimeve që po kryheshin atje.

Punonjësi i Policisë Gojart Bushi e ka adresuar për zgjidhje te shtetasi Dritan Metani.

Shtetasi K. B. ka marrë takim personal me shtetasin Dritan Metani në ambjentet e Komisariatit të Policisë nr.2.

Dritan Metani i parashtroi faktin se sipas mendimit të tij veprimet e K. B. ishin veprime të natyrës penale.

Prokuroria ka hetuar në regjistrat e saj të veprave penale dhe ka evidentuar se ndaj shtetasit K. B. nuk ka asnjë referim të veprës penale në vitin 2016 dhe ndaj shtetasit E. D. ka vetëm një referim të veprës penale për konsumim të nenit 199/a të K.Penal ku referimi kishte të bënte me punime të brendshme hidrosanitare dhe elektrike dhe jo për ngritje tende si në rastin konkret.

Pasi Gjykata lejoi kontrollin e banesës dhe ambjenteve te punës së shtetasve Dritan Metani dhe Gojart Bushi si dhe të regjistrave të hyrjes së shtetasve në Komisariatin e Policisë nr.2 rezultuan dy fakte të rëndësishme për hetimin;

a)Në periudhën kohore 01.08.2016-10.03.2017 në Komisariatin e Policisë nr.2 kanë hyrë dhe janë regjistruar shtetasit E. D. dhe K. B. Ata janë pritur nga shtetasi Dritan Metani ndërkohë që në regjistrin e veprave penale të Prokurorisë Tiranë nuk ka asnjë referim penal për ta.Ndërkohë ndërtimet që ata kanë kryer pranë lokaleve të tyre janë të natyrës që kërkojnë deklaratë paraprake e më pas leje nga organi kompetent sipas V.K.M. Nr.408 datë 13.05.2015. Mungesa e deklaratës paraprake dhe e lejes nga organi kompetent bëjnë që situata të jetë me dyshime penale dhe e pareferuar në prokurori(organ i cili ka kompetencen te vendose mosfillim apo jo) nga O.P.Gj Dritan Metani.

b)Në banesën e Dritan Metanit janë gjetur dy grup aktyesh juridike:

? Akte juridike që kishin të bënin me huadhënie në shifrat 23.000 Euro, 6000 Euro,1200 Euro, 15.000 Euro, 21.000 Euro. Këto veprime juridike janë kryer në një periudhë të shkurtër kohore çka ngre dyshimin se kjo është vijë sjellje e Dritan Metanit dhe jo rastësi. Ky fakt ngre dyshimin për konsumim të nenit 170/c të K.penal, pra kryerje e veprimtarisë bankare të kredidhënies pa liçensë.

? Në katër akte juridike shtetasi Dritan Metani shfaqet si shit-blerës automjetesh duke ngritur dyshimin për konsumim të veprës penale 170/ç të K.Penal pasi Dritan Metani shet e blen sende prej të cilave nxjerr përfitime fshehtazi nga zyrat shtetërore.

Për një hetim të plote dhe shterues duhet që shtetasi Dritan Metani të mos kontaktojë gjatë hetimit me shtetasit të cilëve iu ka dhënë hua në mënyrë që hetimi të përcaktojë pa dyshim nëse Dritan Metani merrte interesa nga huatë që jepte apo jo.Për të realizuar këtë qëllim dhe duke mbajtur parasysh per veprat penale sipas neneve 248, 170/c dhe 170/ç të K.Penal për të cilat dyshohet Dritan Metani,masa e sigurisë më e përshtatshme është ajo e arrestit të shtëpisë me detyrimin që Dritan Metani të mos takojë shtetas të tjerë përveç familjarëve që janë në çertifikatën e familjes./CityNews

 





Lajmet e fundit nga