web counter
LEXO PA REKLAMA!

SHKARKO APP

App Store
Google Play

Kryemadhi ua bën llogaritë Ramës e Bashës/Ç’po ndodh nga sherri juaj

17 Prill 2017, 16:50, Aktualitet CNA

Monika Kryemadhi, deutetja e LSI në një takim me të rinjtë e Vidhas, të Elbasanit ka folur për punësimin e këtyre të rinjve.

Në fjalën e saj, Kryemadhi foli edhe për sherrin Rama-Basha, teksa bëri llogaritë se sa vende pune humbet Shqipëria, kur Rama sulmon Bashën dhe anasjelltas.

Deputetja e LSI, shtoi se çdo investitor i huaj kur sheh këtë konflikt politik e ka të pamundur të zhvillojë biznesin e tij politik.

?Para dy ditësh isha në një takim me disa të rinj, pjesa më e madhe e të cilëve punonin në serat e tyre familjare, por ndërkohë ishin edhe të shkolluar, disa kishin mbaruar për psikolog, disa për mësues dhe më thanë që, edhe pse kemi mbaruar këto shkolla, ne prapë po punojmë në sera, në bizneset tona familjare, sepse nuk shikojmë asnjë dritë jeshile.
Dhe kishin shumë të drejtë, sepse sa herë që Rama sulmon Bashën, i humbim 10 vende pune, se ikin nga Shqipëria diku tjetër. Edhe kur Basha sulmon Ramën, i humbim edhe 10 të tjera, sa herë kemi konflikt politik, i humbim 100 vende pune. Ka 60 ditë çadra, që do të thotë 6000 vende pune më pak.
Investitori i huaj në një konflikt të tillë politik e shikon të pamundur për të ardhur e për ta zhvilluar këtu biznesin e tij.?, përfundoi Kryemadhi./CityNews





Lajmet e fundit nga