Nuk ndalet RTSH e Thoma Gëllçit/ Vijon me hov revolucionar transmetimin e filmave të komunizmit

1 Prill 2017, 08:15, Aktualitet CNA

Edhe pas debateve të forta të javëve të fundit, lidhur me ndalimin apo lejimin e shfaqjes së filmave të prodhuara në kohën e diktaturës komuniste, RTSH publik vazhdon të transmetojë, në sistematicitet të tillë.

Dita e sigurt e shfaqjes së një filmi soc-realist është e Mërkura, por ka raste që ky plan shkelet dhe filmat me tituj: ?Partizani i vogël Velo?, ?Komisari Memo?, ?Ballë për ballë?,?Agimet e stinës së madhe?, ?Ura?, ?Rrugicat që kërkonin diell?, ?Tomka dhe shokët e tij?, ?Kapedani? etj., që i bëjnë jehonë papërkulshmërisë së komunistëve dhe injorimit e talljes së ballistëve e legalistëve të Ahmet Zogut, i gjen edhe në ditë të tjera të javës.

Filmat janë fundi, se, në fakt, RTSH e ka shfaqur formën dhe përmbajtjen e saj soc-realiste që ditën kur paterica e Kryeministrit ,Thoma Gëllçi, kaloi pragun e zyrës së Drejtorit të Përgjithshëm të këtij enti mediatik, midis lloj-lloj marifeteve, që u finalizuan deri me ndryshimin e ligjit për RTSH-Publik. Për faktin se realisht Thoma Gëllçi, apo Çomja, siç e përkëdhelin, nuk e meriton atë post të lartë. Jo vetëm profesionalisht, por edhe figurativisht. Ai është i diplomuar për mekanik, profesion që e ka ushtruar për vite me rradhë. Kulmin e karrierës në gazetari e arriti duke shërbyer si kryeredaktor i vonshëm i gazetës konservatore, ish organ i Partisë Komuniste dhe?Zeri i Popullit?.

Ky njeri i pashquar kurrë për njohuri në median televizive, pasi nuk ka shërbyer as edhe një ditë në ndonjë të tillë, vetëm për hatër të kryeministrit Edi Rama, u soll për të nxjerrë nga koma RTSH e grabitur dhe menderosur prej paraardhësve të tij. O Zot! Me Thoma Gëllçin, kryeministri Rama synonte të realizonte premtimin elektoral që u?a kish bërë shqiptarëve për t?ja kthyer RTSH publikut.

E mendoj që pjesa juaj dërmuese nuk e ndjek RTSH, por ju lutemi, merrni mundimin dhe kthejeni një ditë pultin tek ky stacion publik që vetëm i publikut nuk është. Ndiqjani programin ditor dhe do të bindeni se përjashtuar edicionit të lajmeve, e gjithë pjesa tjetër është mediokritet, paaftësi dhe amatorizëm ekstrem. I mbushur mëe emisione koti, me drejtues koti, me të ftuar koti që thonë kotësira dhe asgjë të hairit. Boshësi dhe kotësi që kulmin e arrijnë me një tip emisioni të titulluar ?Turni i tretë? të cilin po pate durimin ta ndjekësh për gjatë gjithë orëve vijuese sështë çudi të të shkoj mëndje në vetvrasje, nga zymtësia e gjithçkashme. Ky është programi i RTSH-1 sepse tek RTSH valon si në karadak vallja e kënga e grupeve të kohës së komunizmit të frymëzuar nga realizmi socialist. Sepse i tillë është shndërruar RTSH pas ardhjes së Thoma Gëllçit në krze të tij ndaj dhe mos u çudisni kur ndonjë mbrëmje të shihni ndonjë edicion special në përkujtim të ish diktatorit Enver Hoxha. Dhe atëherë filmat socrealist do tu duken lule. /CityNews