web counter
LEXO PA REKLAMA!

SHKARKO APP

App Store
Google Play

Rishfaqet deputeti Peza/ Këtë herë gjuan nga kullat mediatike të Ilir Metës

1 Prill 2017, 07:50, Aktualitet CNA

Deputeti miliardier, Afred Peza, me pasuri bankare 1.2 milion USD, pas një fshehje disa mujore të ardhur pas nisjes së procesit hetimor nga ana e Prokurorisë, lidhur me vërtetimin e akuzës së fshehjes së burimit të pasurisë, ka nisur ringjalljen mediatike. Përveçse  ka nisur të shfaqet në disa ekran televizive, të njohura për qënien armë mediatike të LSI-së, ish oficer- gazetar-deputeti  Peza rezulton të jetë pjesë editoriale edhe e gazetës më të re të tregut shqiptar ?AFP?, e komanduar underground nga LSI. Autor i disa koment-opinioneve të publikuara në këtë gazetë të përditëshme, deputeti Peza duket se po tenton ti rikthehet profesionit që e braktisi për hatër të deputetllikut, ndoshta i penduar për këtë hap fatal që e zhyti në belanë e hetimit të pasurisë. Por këtë herë, për tu ringjitur sërish në piramidën e pushtetit të katërt, mesa shihet, Peza ka zgjedhur të përdorë për gjuajtje jo kullat mediatike të PS-së, dhe autoritetin e  Edi Ramës, i cili qe dhe sebepçiu i këtij kapërcimi, por nga kullat mediatike të LSI, kryetari i të cilës, Ilir Meta, ka gjoks më të fortë se Rama, në raportet me organet e hetimit dhe gjykimit.Tani pritet të shihet nëse do ta përdorë miliarderi Peza partinë e Ilir Metës për të siguruar edhe një mandat tjetër deputeti, apo do të mjaftohet me dorën e ngrohtë që ky i fundit po i zgjat për ta ribërë edhe një herë ?dhendër? të preferuar në gazetari. /CityNews





Lajmet e fundit nga