E fundit!

13:59 Politikë

Berisha merr në mbrojtje Shehajn: Tano Caridi, lule para Ballës, shkuarja te vila, akt i turpshëm

Kreu i PD-së Sali Berisha ka marrë në mbrojtje Agron Sheha...

Patozi: Vjedhja e zgjedhjeve, fut vendin në krizë

27 Shkurt 2017, 21:24, Aktualitet CNA

Astrit Patozi nuk pranoi analogji mes protestës së opozitës në 2009 dhe protestës së opozitës sot. Duke folur në Top Story, ai tha se ndryshon në formë dhe në përmbajtje.

?Ne kemi këtë protestë që ka një kauzë shumë të madhe, që ngërthen Shqipërinë e 27 viteve. Kemi bërë shumë hapa prapa dhe protesta jonë kërkon zgjidhjen e kësaj, këtij problemi. Protesta kërkon zgjidhjen e themelit të një shteti demokratik që janë zgjedhje të lira. Është krejtësisht e ndryshme dhe nuk ka asnjë analogji me protestën e PS?, deklaroi ai.

Patozi i quan të pakuptimta lidhjen e protestës së opozitës me çështje të tjera të realitetit shqiptar, njëra prej të cilave është edhe reforma në drejtësi dhe procesi i famshëm i Vettingut.

?Gjithçka tjetër që thuhet për protestën nuk ka kuptim. Shqiptarët kanë mijëra arsye për të protestuar sot, por zgjedhjet e lira dhe të ndershme janë kryesore?, tha deputeti demokrat.

Sipas tij, protesta synon shmangien e vjedhjes së zgjedhjeve, e cilas, siç tha Patozi do ta fuste vendin në kriza ciklike.

?Është një kosto shumë e madhe për vendin që rrezikon të futet në një varg krizash ciklike nëse zgjedhjet asgjësohen siç ne pretendojmë dhe kemi gjithë provat për ta provuar këtë?, u shpreh ai.

Por cilat janë këto prova?

?Shqipëria gjatë këtyre 3 viteve u tregua se është nën pushtetin e krimit të organizuar që është në vendimarrje. Shqipëria është e kanabizuar e gjitha, edhe nën pushtetin konkret të bandave. Qeveria ndërkohë ka kthyer në garnizonë institucionet që prezumohen apolitike, si Ministria e Brendshme, policia dhe ushtria. Kemi disa formularë që u jepen ushtarakëve dhe policëve që kanë detyrën të sjellin të paktën 4-5 vota. Jo vetëm këto, por edhe ato që ndodhin brenda qeverisë. Ku ka provë më të madhe kur një ministër i një qeverie deklaron se kanë frikë se Qeveria do t?u vjedhë votat. Nuk di që ministri i Drejtësisë të jetë tërhequr nga deklaratat, apo që ministri i Mjedisit të jetë tërhequr nga deklarata se policia po kanos zgjedhjet?, deklaroi Patozi.

Deputeti demokrat u shpreh se qeveria ka shkelur të gjitha kontratat dhe nuk jep asnjë garanci për zgjedhje të lira dhe të ndershme. Në këtë situatë, ai sheh vetëm një zgjidhje.

?Qeveria teknike është zgjidhja e vetme në kohën kur Qeveria aktuale nuk jep asnjë garanci për zgjedhjet. Besoj që kjo Qeveri i ka djegur gjithë etapat ku mund të reflektonte?, tha ai duke shtuar se protesta është shumë më e gjerë sesa Partia Demokratike dhe nuk bëhet për pushtetin e opozitës.