web counter
LEXO PA REKLAMA!

SHKARKO APP

App Store
Google Play

Ambasadori i OSBE apel politikës/ Mbani larg zgjedhjeve paratë e pista

24 Shkurt 2017, 12:02, Aktualitet CNA

Pas takimit kokë më kokë në Ministrinë e Brendshme, ambasadori i OSBE, Bernd Borchardt, doli në një konferencë për media së bashku me ministrin Saimir Tahiri.

Ambasadori i OSBE tha se foli me Tahirin për rritjen e bashkëpunimit. Deklaratën e tij për 2 miliardë euro të pista, ambasadori i cilësoi si një keqkuptim, duke thënë se bëhet fjalë për vitin 2013.

Por, ai ndër të tjera, i bëri apel politikës që të mos përdorë paratë e krimit për zgjedhje.

?Folëm me Tahirin për rritjen e bashkëpunimit. E kam fjalën për një sërë fushash bashkëpunimi. Sigurisht pati disa keqkuptime nga publiku. Kisha parasysh se që nga viti 2013 ka pasur disa vlerësime ndërkombëtare, që flasin për 1 mijë tonë kanabis, që llogaritur me vlerën e shitjes në tregun europian kapin vlerën e 2 mld euro. Vitin e kaluar pamë shkatërrimin e gati 1.5 mln bimëve kanabis. Kjo tregon se mbetet ende një lloj energjie kriminale. E përgëzojmë policinë për shkatërrimin e kësaj sasie kanabisi. Gjithsesi kapjet e masave të mëdha të drogës në vendet fqinje tregojnë se problemi vazhdon. Për këtë folëm me ministrin si të bashkëpunojmë më tej. Paratë e pista duhet të mbahen larg zgjedhjeve?, tha ambasadori./CityNews





Lajmet e fundit nga