E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Nga Kastriot Myftaraj/ Përse iu duhet Ramës dhe Veliajt Henri Çili si karikaturë e Perandorit Henri IV në “Kanosa”

20 Shkurt 2017, 20:22, Aktualitet CNA

Analiza e fundit e Henri Çilit me titull ?Nuk na duhet qeveri teknike, na duhet ministër i Brendshëm teknik?, ka vlerë vetëm si tregues i faktit se ky burrë i shkathët, paralel me ?Kanosën? ndaj Edi Ramës, po bën dhe ?Kanosën? ndaj Erion Veliajt.

Në histori ka një ngjarje të famshme kur një perandor me emrin Henri (Henri IV), i cili kishte fyer një Papë, u detyrua t? i nënshtrohet këtij të fundit duke ecur zbathur në borë deri në kështjellën e Kanosës ku Papa denjoi ta priste atë. Prej këtej edhe termi ?udhëtim në Kanosa? për të treguar përuljen poshtëruese të dikujt. Henri Çili në sjelljen e tij politike, ka bërë disa ?udhëtime në Kanosa?. Në periudhën kur PD ishte në opozitë, para vitit 2005, Henri Çili ishte një nga gazetarët që e quante të pamundur rikthimin e PD-së në pushtet me Berishën. Për vite të tërë Çili e mbrojti këtë mendim. Në prag të ardhjes së PD-së në pushtet, në 2005, Çili ndryshoi qëndrim, jo sepse ndryshoi mendim, por sepse Kryeministri i kohës Nano nuk i dha licencë për një universitet privat. Kështu që Çili shkoi në ?Kanosa? te Berisha. Si shpërblim mori licencën për universitetin privat (UET) dhe përfitime të tjera gjatë kohës që Berisha ishte në pushtet, si kredi bankare në shumë milionë euro të cilat ia shlyen qeveria etj.

Si të mos mjaftonte që Çili shkoi në ?Kanosa? për Berishën, ai shkoi edhe për Lulzim Bashën. Kur PD ishte në opozitë para vitit 2005, Henri Çili tallej me prurjet e reja që sillte Berisha në parti, duke thënë se ato nuk e kuronin dot imazhin e Berishës. Kur një nga prurjet e reja të Berishës në PD, Lulzim Basha, kandidoi për kryetar bashkie në Tiranë në 2011, Henri harroi çfarë kishte thënë dhe krijoi njëfarë forumi intelektual të quajtur ?Inisiativa për Tiranën?, që mbështeste Bashën në zgjedhje. Henri u bë një nga militantët më ekstremistë pro Bashës. Të gjithë e mbajnë mend sherrin që Henri bëri me Erion Veliajn në një debat televiziv para zgjedhjeve vendore të vitit 2011 ku u shanë me njëri-tjetrin me fjalor të ulët, me Henrin që i thoshte Veliajt ?trap? dhe ?më do trapi?.

Tani, me këto që shkruan Henri Çili, se opozita duhet të kënaqet vetëm me dorëheqjen e Ministrit të Punëve të Brendshme, Saimir Tahiri, në fakt i shërben agjendës politike të Erion Veliajt, i cili e shikon Tahirin si rivalin kryesor për të marrë PS-në kur Edi Rama të largohet nga drejtimi i saj. Që Henri Çili ka shkuar edhe në ?Kanosa? te Erion Veliaj, ky nuk është sekret, por ajo që po zbulohet tani është se Veliaj ia paska bërë shumë të vështirë ?Kanosën? Henrit!

Sa për ?Kanosën? ndaj Edi Ramës, Henri e ka bërë më parë atë, qëkurse revista e tij ?Mapo? e shpalli Edi Ramën njeriun e vitit në 2013. Edhe Edi Rama ia bëri të vështirë ?Kanosën? duke e detyruar Henrin që të bëjë gjëra shumë kompromentuese për integritetin e tij si intelektual, siç ishte rasti kur Henri tha para pak kohësh se Edi Rama meriton edhe një mandat të dytë qeverisës. Askush nuk e beson se Henri e mendon vërtet këtë gjë, sepse kishte qenë po ky Henri i cili në përfundim të mandatit të dytë të Berishës si kryeministër, kishte thënë se Berisha meritonte edhe një mandat të tretë qeverisës. Por Henri Çilit nuk i intereson se sa i besueshëm është për publikun, atij i mjafton që merr shpërblime nga Edi Rama, ashtu si dje nga Berisha. Dhe me milionat e eurove që përfiton nga Edi Rama, Henri paguan këstet e kredisë së tij.

Të gjitha këto tregojnë se Henri, ky i joni, jo perandori, mendon se sa më shumë që të vetëposhtërohet në ?Kanosën? e tij, aq më i pëlqyeshëm do të bëhet për pushtetmbajtësin e radhës.

Një gjë është e paqartë, përse iu duhet ende Edi Ramës dhe Erion Veliajt, ky Henri Çili, në cilësinë e karikaturës së Perandorit Henri IV në Kanosa. Sepse Rama dhe Veliaj e kanë të qartë se nuk ka mbetur njeri në Shqipëri që nuk e ka kuptuar se Henri Çili është konsumuar aq shumë, sa nuk vlen për t? u përdorur më.

*Shkruar ekskluzivisht për CityNews