E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Nga Kastriot Myftaraj/ Në drejtësinë e reformuar sorosiane ka rol Hakmarrja për Drejtësi

14 Shkurt 2017, 18:54, Aktualitet CNA

Në tetor 2003, qytetarët e Republikës së Shqipërisë dëgjuan si lajm të parë në të gjitha televizionet atë që padyshim ishte dhe mbetet ende edhe sot deklarata më dramatike që ka bërë ndonjëherë një ambasador amerikan në Shqipëri, sa i përket luftës kundër krimit të organizuar. Ambasadori Amerikan në Shqipëri, James Jeffry, me zë dhe me figurë, deklaroi në adresë të organizatës kriminale të quajtur ?Hakmarrja për Drejtësi?, me rastin e vrasjes së shoferit të Prokurorit të Përgjithshëm të kohës:

?I NJOHIM BARONËT E DROGËS DHE U JEMI VËNË PAS!?
Deri vonë në youtube ka qenë video me deklaratën e plotë të Ambasadorit Jeffry por ka disa kohë që është zhdukur. Merret vesh, dikush u kujdes ta eliminonte para daljes së vendimit gjyqësor për pafajësinë e njerëzve të ?Hakmarrja për Drejtësi?.
Ambasadori i sotëm amerikan në Shqipëri, Donald Lu heshti këto ditë kur u shpall pafajësia e njerëzve të ?Hakmarrjes për Drejtësi?.

A mund të ndodhë që dy ambasadorë amerikanë të flasin ndryshe për të njëjtën çështje?
A gaboi James Jeffry dhe ka të drejtë Donald Lu, apo e kundërta? A mos Drejtësia vërtetoi sot se të dënuarit si anëtarë të ?Hakmarrjes për Drejtësi? janë të pafajshëm?
Një gjë është e sigurt, nga këta djemtë e ?Hakmarrjes për Drejtësi? kanë frikë sot e kësaj dite kriminelët më të rrezikshëm të Shqipërisë, ata të cilët nuk kanë frikë nga askush në vend. Pse kanë frikë?
Një gjë është e sigurt, Ambasadori Jeffry në 2003 i dha një kumt ?Hakmarrjes për Drejtësi? që të mos e tepronte, duke destabilizuar Shqipërinë, pra duke kaluar nga krimi i rëndomtë në terrorizëm me qëllime të përmbysjes së pushtetit politik dhe të titullarëve të institucioneve të rëndësishme.
Në 2017, në kohën kur Ambasada Amerikane është angazhuar si kurrë për ndonjë cështje, për reformën në drejtësi, Ambasadori Lu heshti kur pikërisht në këtë kohë u dha pafajësia për njerëzit e ?Hakmarrjes për Drejtësi?.

Unë nuk nisem nga ato që kanë thënë Sali Berisha dhe PD, por nga ato që ka thënë Ambasada Amerikane, domethënë qeveria amerikane.
Duket se në Drejtësinë e reformuar Sorosiane ka një rol edhe ?Hakmarrja për Drejtësi?, këtë herë jo si forcë destabilizuese, por stabilizuese e pushtetit sorosian në Shqipëri, që mendon se do të mbijetojë për inerci edhe në kohën e Presidencës Trump, për shkak se administrate e re amerikane ka prioritete të tjera me të cilat i duhet të merret para Shqipërisë.