Si të kujdesem për lëkurën në dimër

31 Dhjetor 2016, 20:00, Lifestyle CNA

Me ndryshimin e sezonit, uljen e temperaturave, nevojat tona nuk janë të njëjta dhe duhet t?i përshtatemi stinës. Me ardhjen e dimrit, ndryshimet fillojnë të ndihen, sidomos në mëngjes.

Disa nga efektet që ndihen në trup janë: tharje e lëkurës, buzë të plasaritura, duar të dëmtuara, megjithatë stinët si vjeshta e dimri është periudha ideale për kujdesin ndaj lëkurës, për të riparuar dëmtimet nga dielli.

1.Për të pasur një lëkurë të shëndetshme dhe rrezatuese sugjerohet ta pastroni mirë në mëngjes dhe në mbrëmje. Ky proces fillon me një xhel pastrues ose fluid dhe më pas me locion zbardhues, për të pakësuar efektet e tharjes.

2.Pastroni fytyrën në thellësi. Përpara se të hidratoni lëkurën, është thelbësore që ajo të jetë e pastër. Largoni papastërtitë dhe qelizat e vdekura duke përdorur produkte eksfoliuese. Ky proces i jep lëkurës një pamje më rinore, plot dritë e gjallëri.

3.Rituali juaj për dimrin vazhdon me përdorimin e maskave të lëkurës, një herë në javë. Ato ushqejnë dhe zbusin lëkurën.

4..Është e rëndësishme të mos lihet pas dore pjesa e syve, vazhdimisht në kontakt me faktorët e jashtëm.

5.Kujdesuni që lëkura të jetë e butë Skuqjet, thatësia janë disa nga shenjat e para të të ftohtit. Për ta zbutur dhe për t?i dhënë shkëlqim këshillojmë përdorimin e kremit të ditës dhe të natës.

6.Eksfolioni lëkurën e trupit. Ky proces ju ndihmon ta mbani lëkurën në gjendje të mirë, duke larguar qelizat e vdekura. Ai gjithashtu favorizon qarkullimin e gjakut dhe eliminon toksinat nëpërmjet poreve të lëkurës.

7.Hidratoni lëkurën e trupit . Çdo here pas dushit, lyejeni trupin me gjalpë hidratues. Gjalpi e zbut lëkurën dhe i jep asaj ngjyrën e duhur.

8Hidratoni buzët Të lyesh buzët me ngjyrë të kuqe është mirë, por ta vendosësh këtë buzëkuq në buzë të hidratuara dhe të shëndetshme, kjo është edhe më mirë. Pra, mos hezitoni të përdorni balsam për buzët.

9.Mbroni duart. Me afrimin e dimrit, duart preken më shpejt nga të ftohtët. Pasi thahen, ato fillojnë të plasariten. Zgjidhja? Përdorimi i kremit hidratues dhe mbrojtës ndaj të ftohtit. Ai i mbron duart dhe parandalon plakjen.