web counter
LEXO PA REKLAMA!

SHKARKO APP

App Store
Google Play

Ilir Meta mban koalicionin në ankth/ Ska pergjigje zyrtare për Ramën

13 Dhjetor 2016, 07:55, Aktualitet CNA

Lëvizja Socialiste për Integrim vijon të jetë e pasigurt për vijimin e bashkëpunimit me Partinë Socialiste. Teksa pak ditë më parë Konventa e LSI nuk mori asnjë vendim sa i takon kësaj çështje, edhe dje krerët e saj kanë vendosur të shtyjnë vendimin. LSI mblodhi Këshillin Drejtues Kombëtar i dalë nga Konventa, ku u zgjodhën sekretarët, mirëpo sa i takon koalicionit nuk pati asnjë vendim. Ishte vetë Meta, ai që tha gjatë konventës se do mblidhen strukturat drejtuese dhe forumet e LSI për të vendosur, por duket qartë se kjo forcë politike është e paqartë.

Meta u pyet nga gazetarët drejtpërdrejt nëse ka vendosur nëse do vijojë bashkëpunimin me PS, por përgjigja e tij ishte: ?Besojmë të përmirësojmë më tej drejtimin e LSI-së si një element mjaft i rëndësishëm për të kontribuar në të gjithë përmirësimin e qeverisjes së vendit dhe të përmirësimit të kulturës së politikëbërjes në vend?. Por deklarata e Metës ishte një përgjigje dhe për kushtet që ka vendosur kryeministri Edi Rama.

Vetë shefi i qeverisë i ka kërkuar Metës që të vendosë për vijimin e bashkëpunimit ose jo brenda vitit. Ky kusht u vendos që në tetor dhe Meta në atë kohë deklaroi se do jetë Konventa ajo që do vendosë. Mirëpo konventa u mbyll, si dhe u konstituua dje Këshilli Drejtues Kombëtar,  por sërish palët nuk janë të qarta. Duket se marrëdhëniet në koalicionin qeverisës nuk janë dhe aq të mira. LSI ka kërkuar garanci se mandatin e ardhshëm do ketë më shumë rol në qeverisje dhe kjo është bërë disa herë e qartë. Ata kërkojnë që palët të konsultohen me njëra-tjetrën për çdo vendim, por kjo duket se nuk është pritur mirë nga Rama, i cili nuk ka pranuar. Kjo ka bërë që LSI të thyejë kushtin e tij pasi pritet që të mos vendoset asgjë brenda dhjetorit. Interesant është fakti se në çdo dalje publike, përfaqësues të LSI kanë lënë çdo mundësi të hapur, që edhe mund të largohen nga PS. Mbetet të shihet nëse do arrihet një marrëveshje apo palët do i japin fund bashkëpunimit.





06:27 Aktualitet

Shtypi i dites

Faqet e para te gazetave kryesore ne vend ...

Lajmet e fundit nga