Pajisja e përgjimit/ Ministri Tahiri përplaset me Flamur Nokën: Drejtojuni Prokurorisë

12 Dhjetor 2016, 11:10, Aktualitet CNA

Komisioni hetimor për pajisjen e përgjimit ?IMSI Catcher?, filloi punen dhe pritet që të dëgjojë sot në një seancë ministrin e Brendshëm Saimir Tahirin dhe kreun e Policisë së Shtetit, Haki Çakon.

Qe ne fillim ka pasur debate mes deputetit socialist Ndreu dhe atij demokrat Noka, ku Ndreu eshte shprehur se duhet te hiqet dore nga poilitizimi i kesaj çeshtjeje dhe ngritja e akuzave per show politik.

Ministri i Brendshem Saimir Tahiri eshte shprehur se per te gjitha te dhenat duhet ti referohen prokurorise qe e ka çeshtjen nen hetim, Ndersa ka nenvizuar se eshte ne dijeni per te gjitha çeshtjet qe i takojne atij si Minister

Seanca dëgjimore për Komisionin hetimor ?Për të kontrolluar zbatimin e legjislacionit në fuqi për përdorimin dhe administrimin nga strukturat e Ministrisë së Brendshme dhe Policisë së Shtetit të pajisjes ?IMSI CATCHER? dhe realizimin nëpërmjet saj të përgjimeve të paligjshme? do të jetë në vazhdim të një seance më parë, ku i pranishëm ishte vetëm Çako, i cili u largua pas replikave të shumta me kreun e këtij komisioni, Flamur Nokën.

Ky komision do të shqyrtojë nëse është përdorur pajisja për përgjime të paligjshme brenda territorit të Shqipërisë. Pas zbulimit të faktit se Policia e Shtetit dispononte një pajisje të tillë përgjimi, Çako u pezullua nga detyra, e më pas Gjykata e rikthehu sërish në krye të Policisë së Shtetit. Ai bashkë me dy punonjës të tjerë të Policisë së Shtetit u akuzuan për ?shpërdorim detyre?

Noka: Zoti ministër, jeni në dijeni të futjes në territorin shqiptar të një pajisjeje përgjuese tip ?IMSI Cathcher??

Tahiri: Unë jam në dijeni për çdo çështje që ka të bëjë me përmbushjen e detyrës time. Për çdo çështje tjetër ju sugjeroj t?i referoheni standardeve përkatëse. Për çështjen në fjalë ka një hetim nga prokuroria, ju këshilloj t?i drejtoheni asaj.

Noka: Keni thënë në një emision televiziv se kjo pajisje është përdorur për të përgjuar numra telefonikë, i qëndroni kësaj deklarate?

Tahiri: Mund t?i referoheni emisionit dhe të dëgjoni deklaratën time.

Noka: Keni thënë në një emision televiziv se pajisja është përdorur vetëm nga specialistët italianë dhe asnjëherë nga policia shqiptare. A i qëndroni kësaj?

Tahiri: Mund t?i referoheni deklaratës që kam bërë publikisht.

Noka: Në burgun 302, në regjistrin e protokollit është e shënuar që me urdhër të drejtorit të futet në oborrin e burgut automjeti me targë ?AA 380 BD? me drejtues Ention Xhelilin, një nga dëshmitarët e thirrur për këtë çështje, për të monitoruar në oborrin e burgut. A keni dijeni për këtë gjë?

Tahiri: Mund t?i referoheni hetimeve të prokurorisë.

Noka: A është Ention Xhelili anëtar i policisë?

Tahiri: Referojuni borderosë. Dhe përgjigjia ime për çdo pyetje në vazhdim është drejtojuni prokurorisë.

Pas pyetjeve dhe përgjigjeve, debati në komision ka vijuar me deputetin e PS, Pjerin Ndreu që i ka dalë në mbrojtje ministrit, duke thënë se nuk ka përse të përgjigjet, ndërsa opozita e ka akuzuar Tahirin se me përgjigjet e tij të kufizuara po pengon punimet e këtij komisioni.