E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Formula e Ramës në zgjedhje/ Kërkon 71 mandate bashkë me PDIU

12 Dhjetor 2016, 08:54, Aktualitet CNA

Kryeministri Edi Rama ka sjellë në vemendje të opinionit publik koalicionin e tij në zgjedhjet e ardhshme. Pak ditë më parë në studion e Sokol Ballës në Top Story ai theksoi se koalicioni i ardhshëm do ketë 3 bashkëkryetarë. Ai rikonfirmoi Ilir Metën, por shpalli edhe Shpëtim Idrizin si pjesë të sigurt të këtij koalicioni.

Pse Idrizi?

PDIU kërkohet nga Rama si valvul sigurie në zgjedhjet e ardhëshe. Kjo forcë politike ka 45 mijë vota në koalicionin e 2013 me PD dhe pritet të ketë një trend rritës që mund ti japë disa mandate deputetësh më shumë. Ligji elektoral i jep favor partisë të dytë por në disa qytete ku PDIU edhe më e fortë se LSI mund të fitoje PDIU mandate shtese. Elbasani, Vlora, Fieri mund ti japin disa mandate Shpëtim Idrizit. Duke futur edhe Tiranën, Durrësin apo Dibren, PDIU pretendon të shkojë minimalisht nga 7 deri në 9 mandate deputetësh.

Partia Socialiste kërkon që këto mandate të jenë garancia për qeverinë e nesërme të Edi Ramës. Ky i fundit kërkon që se bashku me Idrizin te ketë 71 mandate. PS aktualisht ka 64 mandate deputetësh. Edhe po të ketë një ulje ajo me PDIU kërkon të jetë mbi PD dhe LSI, për të marë më pas ndonjë parti të vogël apo eksponentë që ?shiten? siç ndodh shpesh në parlamentin tonë.

Rama me Idrizin aleat dhe një mazhorancë sado të brishtë prej 71 mandatesh kërkon të ulë peshën dhe forcën goditëse të Ilir Metës. Dhe skenari i zbatimit nuk është shumë larg. Vetëm disa muaj e ndaj Shqipërinë nga zgjedhjet.

E vetmja forcë që s’ka deklaruar pozicionin është LSI e cila si gjithmonë luan për të shtuar pikët e saj në opinion dhe për ti mbajtur të mëdhenjtë në ankth. Rama tashmë e ka një aleat. Basha disa të vegjël. Ilir Meta ende nuk ka vendosur si do veprojë me Ramën apo i vetëm, koalicioni paralektoral me Bashën është mision i pamundur dhe i mohuar nga palët. Skemat politike ende janë të turbullta e kristaltë është vetëm aleanca Rama-Idrizi./Citynews