web counter
LEXO PA REKLAMA!

SHKARKO APP

App Store
Google Play

E fundit!

x

Pse PD nuk është ende zgjidhja për shqiptarët?

18 Nëntor 2016, 11:28, Aktualitet CNA

PD dhe opozita sot ndoshta po kalojnë një periudhë të fortë dhe të stërgjatur dobësimi, duke mos mundur të ringrihen dhe të kthehen në alternativën e vetme dhe të besueshme për shumicën e shqiptarëve.

Kjo ka disa arsye, PD vjen pas 8 viteve pushtet dhe duhet të bënte ciklin e saj për tu rikthyer me më shumë energji, e fortë, me lider të rinjtë, pse jo edhe disi e ndryshuar. Fatkeqësisht, kjo që thamë më lart nuk po ndodh. PD ka mjaft probleme, në qendër dhe bazë, në shumë degë ende pas 3 vitesh nuk ka përfunduar organizimi, përplasjet vazhdojnë të jenë të thella, servilë të Lulzim Bashës, sulmojnë ish-minsitrat e Berishës, nga ana tjetër harrojnë se vetë Basha ka qenë njeriu dhe përfituesi më jetëgjatë i pushtetit politik të dhuruar nga Berisha. Një betejë ?të vjetër apo të rinj? ka filluar brenda PD-së. Në fakt duket më shumë një luftë bërrylash për të zënë karrige opozitë e sot, që mund të përkthehen profite pushteti nesër.

Basha e drejton opozitën më shumë me pult me disa servilë që në fakt në shumicën e tyre janë ish-pushtetarë të korruptuar të Qeverisë së Berishës, në nivelin e dytë të saj. Janë njerëz që i janë afruar Bashës gjatë garës për kreun e PD-së dhe sot kanë marrë drejtimin e strukturave të rëndësishme të forcës më të madhe opozitare në vend. Sot pas 3 vitesh nën drejtimin e tyre PD është më e dobët dhe më e përçarë. Shpresa e vetme janë thjeshtë disa dalje televizive të Bashës, i cili edhe pse çdo fundjavë më shumë është në Hollandë se në Shqipëri, vazhdon të duket si shpresa e vetme nga pamundësia e një zgjedhje tjetër për të drejtuar Opozitën në zgjedhjet e ardhshme, ku shpresa e vetme e demokratëve duket të jetë largimi i Metës nga qeveria dhe afrimi i tij me Bashën. Ky i fundit dje në një intervistë për ?Top Story? ndryshoi qëndrimin e tij duke dalë hapur dhe duke ftuar Ilir Metën që të bahskohej me opozitën. Thuajse një ?amnisti? e Bashës për LSI-në dhe MEtën, ndaj të cilit më shumë se një vit e gjysmë më parë kërkonte dorëheqjen nga Kryetari i Kuvendit, ndërsa sot e kërkon aleat për të shpëtuar në fakt veten dhe jo Ilir Metën.

Basha në prag të zgjedhjeve ndoshta është vetë problemi më shumë sesa ekipi i tij që e rrethon. Për këtë arsye mund të themi se opozitën nuk e shpëtojnë dot disa intervista televizive, ku ftohet Ilir Meta në koalicion, dhe në këtë rast jo për faj të shqiptarëve, por për shkak të një opozite të dobët dhe ende të pabesueshme për qytetarët, duke mos u bërë dot alternativa më e fortë dhe zgjidhja politike për ta./Citynews





Lajmet e fundit nga