E fundit!

10:01 Kronika

Armë, kokainë dhe kanabis në zonat bregdetare/ Arrestohen dy persona

Policia e Vlorës ka finalizuar operacionin e koduar “Sigur...

Pse na duhet kryeministër Edi Rama?

7 Nëntor 2016, 11:59, Aktualitet CNA

Palët sot po përplasen për rolin që ka kryeministri në vend. Opozita sulmon dhe po bën detyrën e saj duke thënë se ai është përgjegjës për korrupsionin dhe gjendjen që kalon vendi. Nga ana tjetër kryeministri përpiqet të shmanget nga akuzat, ikën fluturon sa më larg të mundet, së fundi bëri dhe një kërcim nacionalist për të fituar pikë në opinion.

Në fakt këto janë pjesë e lojës politike në vend. Të gjitha palët janë në rrugët që kanë zgjedhur. Rama autokrat i pakorrigjueshëm që për pushtet mund të bëjë gjithçka.

Por pse na duhet Rama përtej lojës politike dhe këtyre krahasimeve?

Së pari, na duhet të mesojmë njëherë e mirë që mos votojmë gënjeshtra e premtime pafund. Por elektorati ka detyrë të jetë më racional se emociopnal në gjykim. ?Luga e floririt? të Ramës është në fakt një copë teneqe bosh që s’të jep asgjë.

Së dyti, na duhet për tu pasur si etalon i gënjshtrës në historinë poltike të vendit. Deklaron anullimin e ligjit të plehrave e sjell me shpejtësi vetë, deklaron ulje taksash i ngre të gjitha me 50%, deklaron rritje pagash në 3 vite si ngre asnjë qindarke. Deklaron ulje borxhi e mer 62% e çon 73 dhe nuk bën asnjë punë publike etj etj etj….

Së treti Edi Rama na duhet për të mësuar se fasadat janë më të rëndësishme se rrugët nacionale, shkollat apo spitalet.

Së katërti kryeministri ynë është shëmbulli ku premtohen 300 mijë vende pune dhe formalizimin e quan punësim. Pa folur për qindra mijë vende pune bosh por ska specialistë. Kur vjen fjala për të ikur jashtë specialistët janë pafund.

Kryeministri Rama na duhet për të mësuar sesi mund të kthehet arsimi i lartë në shërbim të një klientele korruptive. Për 5 mijë studentë që bëjnë reth 15 milionë euro në vit, për vetëm një sezon, ligji bëhet sipas Maliqit në shërbim të privatit e vende tek publiku ngelen bosh.

Na duhet për ta na thënë se kemi shëndetësi falas dhe i japim 11 milionë euro nga taksat tona Vilma Nushit, kompanisë së saj që shet alkol e duhan dhe ska asnjë eksperience në shëndetësi. 11 milione euro në vit për 10 vite, paguajnë shqiptarët nga taksat e tyre kurse Rama thotë shëndetësi falas. Sa falas është shëndetësia mund të shihet në spitalet publike, ku ska as paracetamol e jo më ilacë për kurim.

Na duhet për sherre poltike gjoja nacionaliste me fqinjët që të fitojë ndonjë votë nga etnicitete të djathta që flirtojnë majtas.

Na duhet për selfie dhe humor banal me ndërkombëtarët. Të tregojë barcaleta dhe të jetë gaztori i tavolinave.

Na duhet të shohim si e mban në pushtet një hajdut me çizme të cilin me çdo kusht e do në gjirin e tij.

Këto janë pak për të thënë përse na duhet Edi Rama. Janë në fakt shumë pak. Ai na duhet vërtet që ta bëjë shtetin lemsh, të tallet me kazanët dhe kusitë e tij mediatike, ti varfërojë dhe injorojë shqiptarët, të tallet me fermerët apo të thellojë papunësinë për qytetarët.

Edi Rama na duhet për të kuptuar se politika mund të sjellë edhe kaq keq, ndoshta më keq se kaq mund të mos ketë. Por këtë do e provojnë të gjithë pas zgjedhje të ardhshme ku Rama po shkon i sigurt drejt fitores për të treguar me bëma e gjëma pse na duhet kryeministër./Elvi FUNDO-Citynews