E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Ndahet nga jeta shkrimtari dhe politikani Teodor Laço

15 Tetor 2016, 09:59, Aktualitet CNA

Ndahet nga jeta në moshën 80-vjeçare shkrimtari Teodor Laço. Lajmi është konfirmuar nga vetë familjarët e tij.

Laço përveç shkrimeve ka qenë aktiv edhe në politikë, ku ka qenë kryetar i partisë Bashkimi Liberal, deputet dhe ministër kulture në periudhën 1994-1997.

Homazhet në nderim të tij bëhen nesër nga ora 11:00 – 12:00 në hollin e Ministrisë së Kulturës. /Citynews

Jetëshkrim:

Ai lindi në Dardhë në vitin 1936 në një familje emigrantësh patriotë.

1958 – Kreu Institutin e Lartë Bujqësor, fakulteti Agronomi, Tiranë.

1958 -?64 – Punoi si specialist në Seksionin e Bujqësisë të K. E. Korçë dhe arsimtar në Bilisht e Korçë. 1964 -?70 Përgjegjës i sektorit të duhanit në N.SH.G., Korçë

1970 -?75 Punoi në sektorin e letërsisë të Lidhjes së Shkrimtarëve të Shqipërisë, Tiranë.

1975 -? 82 Qarkullon në Teatrin ?Bylis? të Fierit.

1986 -1992 Përgjegjës i redaksisë së filmit dhe drejtor i Kinostudios ?Shqipëria e Re?

1990 – Është një nga kritikët konsekuentë të politikave kulturore e artistike të kohës.

1991 – Njëri nga themeluesit e Partisë Socialdemokrate e nënkryetari i saj.

1992 – Zgjidhet deputet dhe kryetar i grupit parlamentar të PSD. 1994 – Shkëputet nga PSD për arsye politike.

1994 – 1997 Ministër i Kulturës, Rinisë dhe Sporteve.

1995 – Bëhet themeluesi i Partisë Bashkimi Socialdemokrat që, më vonë, mori emrin Partia Bashkimi Liberaldemokrat. Për 10 vjet është kryetar i saj. Prej vitit 1997 kjo parti bën pjesë në parlament.

1997-2005 Zgjidhet deputet në parlament, kryetar i grupit parlamentar liberaldemokrat, anëtar i komisionit të jashtëm, më pas i atij të medias, punës e çështjeve sociale.

2006-2008 – Është ambasador i Republikës së Shqipërisë në Federatën Ruse. Në veprimtaritë shoqërore ka qenë kryetar i LSHA, dega Korçë, anëtar i forumeve drejtuese të LSHA, anëtar i kryesisë së shoqatës së Atlantikut, etj. Që në rininë e hershme është marrë me krijimtari letrare, të cilën e lëvron edhe sot. Konsiderohet si një nga shkrimtarët më të njohur e më prodhimtarë shqiptarë, i cili ka shkruar në shumë gjini e zhanre letrare si tregime, novela, romane, drama, skenarë filmash artistikë, si dhe publicistikë politike e social-kulturore, të cilat e kalojnë numurin 50. Një pjesë e tyre janë përkthyer e botuar në antologji në Francë, Britani, Itali, Rusi, ShBA, Turqi, Greqi, Bullgari, Rumani, Kosovë, etj. Shumë prej veprave të tij kanë fituar çmime e vlerësime të larta letrare në konkurse kombëtare. Është ?Qytetar Nderi? i Qarkut të Korçës. Mban ?Urdhërin Naim Frashëri të Klasit të Parë? dhe ?Çmimin e Republikës? Eshtë kryetar nderi i Shoqërisë Dardhare ?Shpresa. Vdekja e Teodor Laços është një humbje e madhe e një personaliteti të shquar shqiptar që ka lënë gjurmë të thella në jetën artistike e politike të shoqërisë shqiptare, të cilat do të mbeten si kontribute të pashlyeshme edhe për brezat e ardhshëm. Shoqëria Dardhare ?Shpresa?, miqtë, kolegët, shokët dhe gjithë admiruesit e tij krenarë gjenden në këto moment pranë familjes së tij për të ndarë dhimbjen dhe për të ngushëlluar përzemërsisht bashkëshorten dhe djemtë e tij.