web counter
LEXO PA REKLAMA!

SHKARKO APP

App Store
Google Play

E fundit!

x

Besnik Mustafaj: Në Parlament me shumë krim, më pak intelektualë/ Arben Ndoka do të fitonte kundër meje

5 Tetor 2016, 07:10, Aktualitet CNA

Besnik Mustafaj një nga themeluesit e Partisë Demokratike në një intervistë për të përditshmen “Panorama” flet për politikën dhe ndryshimin e saj nga viti 1991 deri në 2016. Mustafaj thotë se marrëdhënia politikë krim u rrit proporcionalisht me uljen e intelektualëve në parlament.

? E sigurtë është që në aspektin e marrëdhënies mes politikës dhe krimit, sot është 1000 herë më i madh së në vitin 1991. Rritja cilësore e marrëdhënieve të politikës me krimin është proporcionale me rënien e prezencës së intelektualëve në sallën e parlamentit. Kjo vjen në gjykimin tim nga zbulimi i shijes së pushtetit nga elitat politike?, shprehet Mustafaj.

Ai është i vetëdijshëm se tani intelektuali është i humbur përballë “të fortit”. ?Elitat drejtuese bëhen më makiaveliste, kur qëllimi justifikon mjetin për të arritur qëllimin e tyre. Në të gjitha versionet, një përballje midis meje dhe Arben Ndokës, ai do të fitonte. Flas për një përballje në terren. Ky është një realitet, që është përmbysur në rrugë graduale?, thekson Mustafaj.

Politikani dhe intelektuali i vendosur në distancë tashmë me politikën aktive nuk lë pa përmendur edhe gabimet dhe shkaqet që sollën këtë gjendje në politikën parlamentare. ?Unë në ndryshimet kushtetuese në vitin 2008 e them me krenari që kam votuar kundër. E them me bindje se ato ndryshime nuk i duheshin Shqipërisë dhe aq më tepër nuk i duheshin PD-së. Ato ndryshime u bënë me një marrëveshje mes Sali Berishës dhe Edi Ramës. Por duhet thënë që në parlamentet e shekullit të XX-të në Shqipëri, në përgjithësi nuk kanë qenë përfaqësues të realitetit shoqëror?, nënvizon Mustafaj.





Lajmet e fundit nga