web counter
LEXO PA REKLAMA!

SHKARKO APP

App Store
Google Play

E fundit!

x

Berisha tek "Studio e Hapur"/Mafia po sjell plehrat ne Shqiperi

4 Tetor 2016, 19:41, Aktualitet CNA

Pendesa e Sali Berishes për ligjin e plehrave. Shanset që ka sot ky ligj të kthehet në kuvend, parcelat e kanabisit, ekonomia dhe rendi, reformat dhe emigrimi. Cilat janë përgjegjësitë e Sali Berishës, Edi Ramës dhe klasës politike për gjendjen në vend? Për këto e shumë të tjera, flet në ?Studio e Hapur? të Eni Vasilit, ish-kryeministri Sali Berisha.

Në panel përballë ish-kryeministrit janë të ftuar kryeredaktori i gazetës ?Panorama?, Robert Rakipllari dhe ai i ?Mapo?, Arion Sulo.

Eni Vasili: Ligji i mbetjeve, duket sikur është një lojë ku aktorët herë pas here ndërrojnë vendet?

Berisha: Kur nuk ka qeveri, nuk ke kujt t?ia lesh përgjegjësinë. Kjo bisedë duhet të ishte bisedë e bilancit tre vjeçar. Simboli i bilancit u bë kazani, u bë plehu. Nuk mund të kishim gjetur asgjë me shpjeguese, më domethënëse se sa kazanin dhe plehun. E thotë Shekspiri diku ku drama është gracka ku shpirti mbeti si laraska. Kazani është gracka ku shpirti i Ramës mbeti si laraska. Të dalësh para shqiptarëve dhe të quash tradhti kombëtare importin e plehut katër vjet më parë dhe pas katër vitesh të thuash se se kam thënë kurrë për mbetjet, të kujton një histori personale të familjes së tij. Unë do tua them shqiptarëve, një të vërtetë të hidhur. gjyshi i tij dhe i vëllai për 27 vite nuk kanë folur me njëri-tjetrin, pse sepse aty në një gardh kaloi diçka dhe njëri tha ishte mace, tjetri tha ishte lepur. E dinë gjithë Vlora këtë, u zunë dhe për 27 vite nuk folën. Me ligjin e dajove të këtij do të duhen 27 vite të kuptojnë se mbetje dhe pleh janë e njëjta gjë. Qytetarët kur e hedhin këtë letër në kosh, thonë e hodhëm në koshin e plehrave. Ky do të bëjë një lojë fjalësh duke kujtuar macen me lepurin. Këtë nuk ja bëra unë këtij, ja bëri valixhja me 4 milionë euro.
Vasili: Jeni fajtorë të dy?

Berisha: E kam thënë në parlament, nëse do kisha patur faktet e sotme atë ligj nuk do ta kisha bërë. A mund të më shkonte mendja se ky njeri i lejonte pa ligj. Kjo është tronditëse.

Vasili: Po jemi në 2016 dhe jeni vonë..
Berisha: Ky është denoncimi i medias. Ka një faktor të dytë madhor. Çfarë ka ndodhur? Këtu kam direktivën e vitit të kaluar të KE-së për mbetjet dhe furnizimin e ujit. KE përcakton standardet. Ka një ndryshim parimor dhe praktik. Duhet të ekzistojë ndarja në parim e mbetjeve.

Robert Rakipllari: Ju kemi ju para dhe po ju kujtoj që në 2004 kur doli kjo çështje, kur ishte Nano në pushtet ju ishit kundër. Erdhëm në 2011, ju e lejuat importin e mbetjeve të gjelbra. E mbrojtët këtë tezë. Ju kishit këto argumente që ky është një mall që blihet në treg. Po ju jeni kundër parimit tuaj që mbrojtët në 2011?
Berisha: A mund të bëj një sqarim me një fjalim timin; Albania Beg do të ndërtonte në Kashar një fabrikë për djegiet. Unë nuk kam lëvizur nga ky pozicion. U bë ligji i trajtimit të integruar të mbetjeve. Nuk ishte kjo direktivë evropiane e kalimit nga ekonomi lineare në atë cirkulare. Ky mashtron në mënyrë të paskrupullt, pasi laboratori ka qenë dhe ekziston (Rama).

Robert Rakipllari: E pranoi se gjatë kohës që keni qenë në pushtet kanë hyrë mbetje të rrezikshme?
Berisha: Unë nuk e di. Problemi qe me Kurimin, i cili merrte makinat dhe për hir të vërtetës nuk digjte filtrat dhe nuk i digjte, dhe krijoi atë malin. Çfarë dëgjoi unë më vonë, dëgjoj se një pjesë e tyre ishin hedhur në Shkumbin dhe kjo ishte gabim i Qeverisë. Unë nuk e toleroj këtë. Para ligjit të vitit 2011, përveç mbetjeve të rrezikshme, 500 e ca mbetje të tjera mund të futeshin në bazë të ligjit ekzistues. Eshtë jashtëzakonisht e rëndësishme që në komunitetin ku krijohen të përpunohen dhe natyrisht aty janë dhe leverditë e këtij procesi. Së dyti në asnjë mënyrë import. Ti nuk mund të thuash se do ta bëj industri lider të një vendi industrinë e riciklimit. Nëse importon plehrat absolutisht janë gati të të paguajnë për çdo ton. Edi Rama ka bërë një gjë shumë të rëndë, ka përgatitur djegien e plehrave, është projekt që po e shndërron në realitet në Elbasan.

Rakipllari: janë plehrat vendase ato.

Berisha: Mos e besoni atë. Nuk jam në mënyrë kategorike për të futur plehra në incenerator për shumë kohë.

Sulo: Ka fakte që në parlament PD-ja ka vendosur veton në minutën e fundit. Në grup është votuar në mënyrë kaotike. Qëndrimi i deputetëve demokratë ka qenë kaotik, të pavendosur deri në momentin e votimit të ligjit. Eshtë një fakt që tregon inkoherencën e PD-së për ligjin.

Berisha: PD nuk ka qenë pro ligjit në absolute. Mund të them që ndoshta kanë bërë përpjekje për ta amenduar apo jo, këto nuk i di, por mbledhja e grupit parlamentar që përcakton qëndrimin, në mbledhje është vendosur kundër.

Eni Vasili: A ka një lloj diskordance këtu, e keni marrë me vonesë këtë vendim, i jeni bashkuar më vonë shoqërisë civile pasi patë që është një kauzë që vlen?

Berisha: Eshtë e vërtetë që janë vendosur kontakte me shoqërinë civile, dhe shoqëria civile ka kërkuar të mos politizohet çështja, se ata e kanë kauzë.

Sulo: Eshtë kauzë e majtë

Berisha: Lufta kundër mafies është kauzë e djathtë. Mafia i solli.

Eni Vasili: Kush janë këta njerëz që kanë dhënë 4 milionë euro.

Berisha: Thirre Agacin ndonjë ditë këtu, se ai s?del. Ka qenë avokati i të gjithë mafies shqiptare Ndrageta.





Lajmet e fundit nga