E fundit!

18:44 Aktualitet

Mblidhet të enjten Konferenca e Kryetarëve/ Ja çfarë pritet të vendoset në seancë

Konferenca e Kryetarëve do të zhvillojë të enjten mbledhje...

Skema e re/ Ndihma ekonomike nga 3500 në 5600 lekë në muaj

30 Shtator 2016, 09:21, Aktualitet CNA

Ministri i Rinisë dhe Mirëqenies Sociale, Blendi Klosi tha se do rritet ndihma ekonomike për familjarët në nevojë nga 3500 në 5600 lekë në muaj. Këtë gjë ai e bëri të ditur në konferencën për reformën e ndihmës ekonomike, ku ka paraqitur një skemë të re për shpërndarjen e ndihmës tek familjet në nevojë. Klosi thekson, se nuk do përjashtohet nga skema ekonomike asnjë nga ata që nuk kanë të ardhura të mjaftueshme. Sipas tij, kjo skemë heq kriteret diskriminuese dhe lehtëson procesin e dokumentacionit. ?Nuk do të përjashtohet asnjë nga skema e ndihmës ekonomike, që ka tv lavatriçe, makinë, apo qoftë nëse ka një pagë minimale. Të gjithë ata që nuk kanë të ardhura të mjaftueshme nuk përjashtohet nga ndihma ekonomike. Në skemën e re hiqen kriteret diskriminuese, duke lehtësuar procesin dhe duke thjeshtuar dokumentacionin. Rritet masa mesatare e ndihmës ekonomike për familjet nga 3500 lekë në 5600 lekë në muaj. Përkujdesi ndaj atyre që kanë nevojë është pjesë e një programi të plotë, atij i mbrojtjes sociale, ku përfshihen të gjitha përfitimet për familjet në nevojë?, tha ministri në konferencë.

Klosi: Ja përfitimet që do kenë familjet nga skema e re

-pagesë mujore për familjet e jetimët.
-viktimat e trafikimit dhe familjes me shumë fëmijë të lindur njëherësh.
-Pagesë mujore për çdo person me aftësi të kufizuar.
-Pagesë mujore për kujdestarinë e personave me aftësi të kufizuar.
-Pagesë shtesë mujore për çdo fëmijë të familjes me ndihmë ekonomike me qëllim nxitjen e arsimimit.
-Pagesë shtesë për mbulimin e vaksinimit të fëmijëve.
-Kompensim dyfish për energjinë elektrike për familjet në skemën e ndihmës ekonomike, për familjet me të ardhura të ulëta, për pensionistët dhe invalidët e punës.
-kompensim për telefoninë fikse.
-Bursa për fëmijët e familjeve në nevojë, për fëmijët e komunitetit rom, për fëmijët e familjeve me aftësi të kufizuar dhe jetimët.
-Një familje në nevojë pra do të mund të ketë mbi 80 mijë lekë në muaj. /Citynews.al