E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Historia e patreguar/ Kur Bashkim Gazidede rrihte me shpulla Fahri Balliun

30 Shtator 2016, 14:06, Aktualitet CNA

Janë ngjarje dhe histori të patreguara të cilat në fakt dihen nga pak njerëz. Qarkullojnë në qarqet mediatike dhe politike. Shumë detaje janë ende të pazbuluara, por ky është një nga rastet me më shumë dëshmitarë që tregohet sot me saktësi të plotë.

Bëhet fjalë për vitin 1994 kohë kur Fahri Balliu u emërua nga SHIK-u i Bashkim Gazidedes si sekretar i ambasadës shqiptare në Maqedoni. Sekretarët e këtyre institucioneve ishin nomeklaturë e SHISH. Në fakt Gazidede ka qenë kundër Fahriut, por ka qenë këmbëngulja e disa personave të rëndësishëm në PD që e ccuan Balliun në Maqedoni. Gazidede e dinte mjaft mirë kush ishte ish-miku i Hekuran Isait, njëriu që shkruante dhe mblidhte fjalët e Enverit dhe Ramizit, njeriu që më shumë sesa ish ? sigurims kishte qenë një raportues që nxinte në historinë e jetës të tij gjatë diktaturës.

Fahriu emërohet në detyrë, por menjëherë zbulohen aferat dhe skandalet e tij, Presidentit Berisha, ministrit të jashtëm Alfred Sereqi i shkojnë informacione se në Ambasadën Shqiptare në Maqedoni shiteshin të drejtat e studimit. Në atë kohë Shqipëria jepte të drejta studimi për shqiptarët në Maqedoni dhe konkursi bëhej nga ambasada, Fahriu i shiste këto të drejta studimi nga 500 deri në 1000 marka.

Pasi SHIK-u i Gazidedes mësoi se Fahri Balliu ushtronte veprimtari korruptive veproi menjëherë. Fahriun e marin për leckash dhe brenda ditës e sjellin në Tiranë, ku do zhvillonte një takim për të dhënë informacionet në lidhje me aktivitetin ku ishte përfshirë.

Në takim ka qenë i pranishëm Bashkim Gazidede ish kreu i SHIK, Visho Ajazi (Lika) në atë kohë nën/drejtor i kundër zbulimit dhe Bensnik Konçi që mbante të njëjtën detyre si Ajazi. Ky i fundit sot kreu i SHISH.

Fahriu sipas burimeve të CityNEWS hyri në zyrën e Gazidedes dhe u ul përballë kolltukut të tij. Pasi Bashkimi e pyeti për shëndetin i tha: Fahri si qëndron puna e shitjes të të drejtave të studimit në Maqedoni?

Balliu po përpiqej të justifikohej duke u fryrë si gjel më mendimin se miqtë që e kishin rekomanduar do e shpëtonin nga skandali.

Bashkim Gazidede ngrihet në këmbë dhe ja thotë të gjitha faktet në surat Fahriut, vetëm 5 cm larg hundës të tij, duke e quajtur, bastard, palaco, hajdut, sharlatan, mashtrues, plehrë, bajgë etj. Gazidede në nervozizëm e sipër e qëllon me shpullë dhe në momenti që Fahriu tenton të largohet i fut edhe një shkelm pas b….. ?Dil jashtë pis i ndyrë, ishte fjalia e fundit që Bashkim Gazidede, i tha Fahri Balliut, pasi kishte investiguar dhe zbardhur një skandal në lidhje me shitje të të drejtave të studimit dhënë studentëve shqiptarë në Maqedoni. Kjo është një nga të paktat skandale të Fahri Balliut njeriut të Metës sot në media./Citynews