web counter
LEXO PA REKLAMA!

SHKARKO APP

App Store
Google Play

Opozita refuzon raportet ndërkombëtare/ “Rilindja” investoi më shumë se kudo në Shkodër

29 Shtator 2016, 11:03, Aktualitet CNA

Kryeministri Edi Rama ka replikuar me deputeten e Partisë Demokratike Jorida Tabaku duke kundërshtuar të dhënat e saj për ekonominë. Kreu i qeverisë nuk ka pranuar asnjë vlerësim negativ të opozitës. Kryeministri tha se puna e qeverisë është vlerësuar nga raportet ndërkombëtare, të cilat opozita refuzon që t’i pranojë. Nga ana tjetër kreu i ekzekutivit Rama ka hedhur poshtë edhe prentendimet e bashkive të djathta për mungesë investimesh.

“Nuk kam dëgjuar asnjë prej shumicës, që të flasë për begati, apo situatë rozë, por refuzoni edhe raportet e DASH për luftën kundër kanabisit, që vlerëson qeverinë. Tabaku flet kot, ne flasim me gjuhën e së vërtetës. Raporti i Forumit Ekonomik vlerëson Shqipërinë duke e renditur 13 vende me lart sesa një vit më parë për reformat po bëjmë, që janë vonuar për 20 vite. Sipërmarrësve më të mëdhenj u thamë do ua rrisim taksat dhe ne nuk presim që ata të thonë që me këtë qeveri taksat u ulën?, tha kryeministri Rama.
Ndërsa përsa i përket akuzave të deputetëve të PD për buxhetin për bashkitë e djathta, Rama tha se investimet nga programi i rilindjes në Shkodër janë më shumë se në të gjithë Shqipërinë.
?Investimet nga programi i Rilindjes në Shkodër janë më shumë se në të gjithë Shqipërinë dhe ka një llogari se bashkia e Shkodrës nuk është thjesht kryetarja, as buxheti, por është bashkia e qytetarëve të Shkodrës. Kemi investuar ndërtimin e stadiumit, muzeu ‘Marubi’ dhe teatrin Migjeni. Këto para i kanë vajtur bashkisë, por nëse kryetarja nuk ka aftësinë për projekte serioze dhe të përgjigjen me standarde kërkesave të rilindjes urbane, më vjen keq, por nuk kemi si i mbështesim?, theksoi Rama. /Citynews.al





Lajmet e fundit nga