web counter
LEXO PA REKLAMA!

SHKARKO APP

App Store
Google Play

Një i infiltruar në videopërgjimin për ryshfetin prej 18 mijë eurosh/ 5 kamera filmojnë

29 Shtator 2016, 09:56, Aktualitet CNA

Pas rastit të publikuar në media një natë më parë në emisionin investigativ ?Stop?, ku një oficer gjyqësor ka marrë ryshfet 18 mijë euro për prokurorin Ardian Braho, Prokuroria e Krimeve të Rënda po heton.

Verifikimet rezultojnë se personi qe ka dhene parate eshte shtetasi me iniciale A.M, person i perdorur ne disa operacione policore me infiltrime dhe simulime aktesh korruptive. Parate kane qene me fasheta te bankes cka dyshohet se jane terhequr nga banka diten e ngjarjes, shkruan ?Panorama?. Nga verifikimet e pamjeve te sekuestruara del se filmimi eshte bere nga te pakten 5 kamera pasi ka plane nga 5 kende te ndryshme por qe vetem dy jane publikuar.  ?Panorama? bën të ditur se sot është sekuestruar dosja e 120 mije eurove në zyren e prokurorit Braho.

Prokurori i Rrethit Tiranë, Ardian Braho rezulton prokuror me karrierë të gjatë pasi në CV-në e tij bëjnë pjesë çështje si ajo e sheshit ?Skënderbej?, ku Lulzim Basha u akuzua për dëm ekonomik. Braho vendosi mbylljen e çështjes pasi vendimi ishte marrë nga Këshilli i Bashkisë. Gjithashtu, së fundmi Braho ishte prokuror dhe në hetimet për vendosjen e një pajisjeje përgjimi në zyrën e ministrit të Brendshëm, Saimir Tahiri si dhe në hetimet ndaj ish-kreut të Bankës së Shqipërisë, Ardian Fullani për raportin e KLSH mbi blerjen e hotel ?Dajtit?. Po ashtu, Braho ka qenë prokuror edhe në çështjen hetimore ndaj ish-kreut të Inspektoratit Ndërtimor të Tiranës, Florenc Hoxha. Braho ka hetuar gjithashtu dhe ish-ministrin e Financave, Ridvan Bode për fshehje pasurie. Braho ka qenë dhe pjesë e task-forcës së Prokurorisë së Tiranës që hetoi çështjen e mashtrimit me TVSH-në në industrinë e përpunimit të metaleve që përllogaritej se i kishte shkaktuar shtetit një dëm prej 26 milionë dollarë. /Citynews.al





Lajmet e fundit nga