web counter
LEXO PA REKLAMA!

SHKARKO APP

App Store
Google Play

Paratë për bashkitë nuk negociohen më në Kuvend/ Ligji i ri përcakton përqindjen

28 Shtator 2016, 08:34, Aktualitet CNA

Në një koferencë për Qeverisjen Vendore të organizuar nga USAID, ministri i Shtetit për Çështjet Vendore Blendi Çuçi siguroi se ligji për financat vendore, i cili është ende në versionin draft ofron dy të mira: rrit financat për vendorët duke u nisur nga delegimi i kompetencave dhe konsolidon themelet e shpërndarjes së grandit në bashki.

?Decentralizimi ka shumë të pakënqur me financat, sepse ne nuk jemi një vend i pasur dhe buxhetet janë të ulëta. E rëndësishmer është që të krijojmë një raport të mirë mes taksave dhe financave.

Ligji për financat vendore synon pikërisht këtë gjë. Me të do të përcaktojmë grandin e destinuar për qeverisjen vendore në raport me të ardhurat në buxhet. Nuk do të jetë e negociuar në Kuvend, por do të jetë si % e të ardhurave vjetore. Rritja ekonomike do të pasqyrohet në buxhetet vendore ashtu si dhe në rastet e inflacionit. Së dyti do të konsolidojmë themelet e shpërndarjes së këtij grandi?, tha ministri Çuçi.

Qëllimi sipas tij është që të mos ketë ndikime politike.

Një vit pas nisjes së aplikimit të reformës territoriale Çuçi ka pranuar se ka vend për përmirësime si dhe për rishikime lidhur me problemet dhe pakënaqësitë e hasura. /Citynews.al





Lajmet e fundit nga