E fundit!

13:08 Aktualitet

20-vjetori i Eurorajonit Adriatiko-Jonian/ Balla: Shqipëria po ecën me ritmin më të shpejtë drejt BE

Kreu i Grupit Parlamentar të Partisë Socialiste, Taulant B...

Foto dhe faktet/Sheshi Skënderbej parking apo qendër biznesi?!

26 Shtator 2016, 16:09, Aktualitet CNA

Sheshi Skënderbej nuk do jetë thjesht një pllakë betoni përpara teatrit të Operas, Muzeut Historik dhe Bankës së Shqipërisë, ai do jetë edhe parking dhe një qendër tregëtare.

Bashkia e Tiranës në qëndrimet e saj publike sjell të njëtat argumenta që jepeshin 10 vite më parë nga Edi Rama, apo ato që dha në vitin 2010 kur filloi punimet të cilat më pas u bllokuan.

Jep të njëjtat argumenta për një pllakë betoni me disa shatërvane duke ndërtuar një shesh, por gjithccka nuk fillon dhe nuk mbaron me një shesh dhe një parking.

Citynews.al mësoi se bashkia e Tiranës po përpiqet të ndërtojë edhe një qendër të madhe tregëtare dhe biznesi nën tokë. Këto të gjitha i thotë vetë raporti teknik për ndërtimin e parkingut në sheshin ?Skendërbej?.

Në faqen 5 të këtij raporti teknik thuhet se ?Në krahasim me kërkesën fllestare të Bashkisë mendojme qe ky parkim te jete nje ambient polifunksional dhe funksion hybrid sic eshte dhe Sheshi mbi te . Pra ky ambient ne qender te Tiranes te mos sherbeje thjeshte vetem si ambient parkimi per makina por mundesisht dhe aktivitete te tjera te organizuar nga bashkia e Tiranes . Te tille aktivitete mund te jene Farmer Market ne diten e diele, panaire te ndryshme qe mund te organizohen ne dite te ndryshme te vitit si ai I Liberit, I Makinave, I Ndertimit , I Kulinarise , I Punimeve Artizanale etj? .

Në fakt ky argument i dhënë në raport është justifikimi për qendrën e biznesit dhe aktivitetet e shumë llojshme tregëtare që do ushtrohen poshte sheshit ?Skendërbej?. Pllaka e betonit është tenderi dhe fitimet, parkingu është tenderi, përfitimet dhe shfrytëzimi. Po a mund të qëndronte Erjon Veliaj me kaq?

Jo kryebashkiaku nuk është mjaftuar thjesht dhe vetëm me një parking e një pllakë betoni, ai ka bërë gati një qendër biznesio nën/tokë, të cilën përpiqet ta justifikojë me disa panaire, por në fakt parkingu i nëntokës do jetë një aktivitet i madh tregëtar që ende nuk dihet se cilit nga klientët e Veliajt apo Ramës do i jepet në përdorim./CityNEWS