Ahmetaj: Rritja ekonomike më e madhja e 5 viteve të fundit

13 Shtator 2016, 13:02, Aktualitet CNA

Ministri i Financave, Arben Ahmetaj tha se rritja ekonomike e 3-mujorit të parë është 2.96%. Gjatë një konference për shtyp lidhur me treguesit ekonomik për tetëmujorin, Ahmetaj tha se kjo është rritja më e madhe ekonomike në 5 vitet e fundit.

?Lajmet ekonomike vazhdojnë të jenë të përmirësuara në favor të ekonomisë dhe konsumatorëve?, tha ministri Ahmetaj duke shtuar se arsye e vetme është këmbëngulja e qeverisë për të bërë reformat e duhura financiare, të pensioneve , në sistemin energjitik, në shtetin ligjor dhe shumë shpejt ajo në drejtësi.

?Shifrat ekonomike bëhen objekt i debatit politike, por përtej këtij debati, statistika është statistike, pavarësisht interpretimit. Rritja ekonomike për 3-mujorin e parë të 2016 është 2.96. Kemi një rritje në karahasim me 3 mujorët e tjerë të 5 viteve të fundit?, deklaroi ministri Ahmetaj.

Kreu i Financave publike foli edhe për të ardhurat, që sipas tij janë rritur për 8 mujorin e parë të 2016. Ai u shpreh se me përjashtim të birrës, të gjitha produktet e tjera janë në rritje. Duke u ndalur këtu, ministri informoi se ka kërkuar një analizë të detajuar nga administrata doganore për të gjetur se pse ky tregues është në rënie.

Ministri, po ashtu, vuri në dukje se ka një përmirësim të thekuar në tremujorin e dytë të këtij viti të treguesit të ndjesisë ekonomike. Ai shprehu besimin se ky tregues do të jetë pozitiv edhe në tremujorin e tretë të këtij viti. Treguesi i ndjesisë ekonomike, sipas ministrit Ahmetaj ësht një indikator shumë i rëndësishëm për ne, pësi mat atë që operatorët ekonomik transmetojnë në treg.

Ministri foli edhe lidhur me marrëveshjen 3 vjeçare me Fondin Monetar Ndërkombëtar, e cila përfundon në fillimin e vitit 2017. Sipas ministrit Ahmetaj, me FMN do të vijojë shumë ngusht bashkëpunimi.

Duke folur për borxhin publik, ministri Ahmetaj tha se në ligji organik të buxhetit është përcaktuar se asnjë qeveri nuk mund të rrisë nivelin e borxhit publik.

?Një tjetër element i përcaktuar në ligj, është se në vit elektoral, asnjë qeveri nuk mund të shpenzojë me tepër se 50 % të fondit të defiçitit buxhetor në gjysmën e parë të vitit. Me ligj e kemi futur të shkruar e zezë në të bardhë që asnjë qeveri të mos harxhojë me shumë se 50 % të fondit të lejuar të defiçitit vjetor brenda 6 muajve të parë të vitit?, tha ministri Ahmetaj.

Kjo, sqaroi ai, bën që qeveria e maxhorancës të trashëgojë një kuadër financash publike të shëndetshëm të pacënuar. Kjo, sipas Ahmetaj, do të kthehet në traditë.

Duke folur për punësimin, ministri Ahmetaj deklaroi se kjo maxhorancë do të mbajë premtimin për 300 mijë vende të reja pune. Sipas tij, deri tani me bordero janë 173 mijë të punësuar në sektorin jo bujqësor. Sa i përket sektorit bujqësor, ministri Ahmetaj tha se kërkohet një analizë më e detajuar. Ai shtoi se papunësia ka rënë në 15.9 %. /Citynews.al