Bylykbashi: Në Dibër u ble vota/ Prokuroria të hetojë

13 Shtator 2016, 11:57, Aktualitet CNA

Partia Demokratike në një dalje për mediat, përmes deputetit Oerd Bylykbashi deklaroi se grupi i strukturuar kriminal ka ndarë miliona lek për të blerë votat në zgjedhjet e Dibrës.

?Duke nisur nga drejtuesit politikë të fushatës në bashkëpunim me figurat e njohura të krimit të organizuar drejtorë të administratës qendrore dhe lokale, shefa policie, administratorë, kryepleqtë, dhe zyrtarë publikë, ky grup i strukturuar kriminal ka ndarë milionat që duheshin, njerëzit që do të kryenin operacionin, duke llogaritur e paracaktuar blerjen e votave sipas cdo qendre votimi?, tha Bylykbashi.

Partia Demokratike ka kërkuar nga prokuroria që të hetojë rastet e bëra publike deri tani për blerje votash në zgjedhjet e Dibrës.

?Ndërkohë që Partia Demokratike po përgatit raportin e plotë e të detajuar të rasteve te evidentuara që janë vetëm indiciet e kësaj masakre me votën në Dibër, ne i bëjmë thirrje prokurorisë të lëvizë, të hetojë e të marrë në përgjegjësi penale, për rastet e njohura deri tani, të bëra publike në media dhe nga qytetarët. Dibra është prova se zgjedhje të lira me Edi Ramën dhe kartelin e tij të drogës nuk ka?, tha deputeti Bylykbashi.

Duke vijuar më tej Bylykbashi tha: ?Rastet e publikuara në media, apo ditën e zgjedhjeve janë dëshmi jo thjesht të blerjes së votës. Ato dëshmojnë se në Dibër funksionoi një skemë e mirëorganizuar me fond dhe pagatorë të vënë në dispozicion për blerjen e votës. Funksionarë të lartë të Bashkisë, kryekëshilltarja e Keshillit bashkiak, dhe vëllezërit e Muharrem Ramës janë kapur me zë e me figurë duke kryer krimin elektoral. Këto janë rastet sporadike të një rrjeti të mirëorganizuar që kishte lëshuar tentakulat në cdo qendër votimi, pa përjashtim?.

Bylykbashi theksoi se ata e dinin sa para kishin hedhur dhe sa vota do të merrnin dhe nuk bënë fushatë dhe nuk bënë përballje politike mes kandidatësh.

?E dinin, sepse brenda kutive ishin miliona euro të hedhura për të prishur zgjedhjet, për të ndalur garën, për të zhdukur konkurencën. Eshtë koha për një reflektim të thellë kombëtar dhe veprim të përbashkët në të gjitha drejtimet për lirinë e votës pa të cilën nuk mund të ketë asnjë liri tjetër. Lufta totale me Kartelin e Drogës, krimit dhe korrupsionit sapo ka filluar?, nënvioi Bylykbashi. /Citynews.al