web counter
LEXO PA REKLAMA!

SHKARKO APP

App Store
Google Play

Skandal me Aeroportin e Kukësit, kallëzohen hipotekat për abuzime me pronat

10 Shtator 2016, 12:25, Aktualitet CNA

Kontrolli i Lartë i Shtetit ka zbuluar një skandal me aeroportin e Kukësit. Sipas gazetës Sot Ky institucion ka kallëzuar dje penalisht dy ish-zyrtarë dhe dy punonjës aktualë të Hipotekës në këtë qytet, pasi kanë abuzuar sa i takon shpronësimit të tokës ku ndodhet aeroporti. Sipas një raporti të KLSH, në sipërfaqen prej 23 mijë e 778 metra katrorë, duke shpërblyer 4 subjekte private në vlerën e 14.3 milionë lekëve pa patur titullin e pronësisë, i është shkaktuar dëm buxhetit të shtetit. Nga raporti i këtij institucioni rezulton se për 11 vjet me radhë, nga shkeljet e kryera Autoriteti i Aviacionit Civil, si pronar i tokës nuk e ka kaluar pronësinë për më shumë se 331 mijë metra katrorë. Nga auditimi del se është dhënë një sipërfaqe prej 31 mijë metrash katrorë më tepër se sipërfaqet e përcaktuara nga shteti. Ndërsa në 4 raste, ata që janë shpronësuar nuk kanë qenë pronarë të tokës. ?Nga auditimi i dokumentacionit të vënë dispozicion në lidhje me regjistrimet e pasurive të paluajtshme në favor të Autoritetit Aviacionit Civil në zbatim të VKM nr. 95, datë 10.02.2004 ?Për shpronësimin për interes Publik të Pasurive të Paluajtshme që preken nga ndërtimi i Aeroportit të Kukësit dhe rrugëve të reja të tij? dhe VKM nr. 892, datë 22.12.2004 ?Për plotësimin e dokumentacionit të pronësisë mbi tokën që zihet nga Aeroporti i Kukësit të miratuar me Vendimin nr. 1, datë 07.01.2000 të Këshillit të Rregullimit të Territorit të Republikës, u konstatua se pronarët që preken nga ndërtimi i Aeroportit të Kukësit, do të shpronësohen dhe kompensohen për sipërfaqen prej 512221 m2 ?Tokë bujqësore?, 1821 m2 ?Truall?, 771 m2 sipërfaqe objektesh, 617 copë drufrutorë dhe 8,294,936 lekë për kulturat bujqësore me një vlerë të përgjithshme 337,153,976 lekë dhe me afat përfundimi të shpronësimit 31.03.2004?, thotë KLSH.





Lajmet e fundit nga