Mustafaj: Asnjë, i suksesshëm si Basha në opozitë

10 Shtator 2016, 10:10, Aktualitet CNA

Optimist me gjendjen e PD-së, duke parë takimin ku ai mori pjesë në Dibër Mustafaj pranon se ka qenë shpesh kritik për partinë ku është bashkëthemelues, por thotë se e ka bërë këtë në të mirë të rimëkëmbjes së shpejtë të PD-së, modernizimin e saj në mënyrë që t?i përballojë sfidat e kohës.

Në një intervistë për Mapo, Mustafaj nuk duket më pak optimist edhe me lidershipin e ri të PD-së kur thotë se ?Basha është një lider që po piqet. Unë nuk besoj se Basha e ka arritur maksimumin e vet. Por prirjen e ka për t?u pjekur mirë për të arritur ato standarde që i duhen një lideri me një parti dhe histori të madhe siç është PD-ja?, shprehet ai.

Megjithatë në lidhje me tensionet politike me të cilët të tjerë si Berisha përballen përditë në parlament Mustafaj thotë se kjo mbetet për tu parë, pasi Basha nuk ndodhet përballë të tilla situatave, pasi ende është jashtë Kuvendit. Nga ana tjetër Mustafaj i njeh merita Bashës dhe Mediut njëkohësisht për ligjin e dekriminalizimit si një nismë e rëndësishme që u finaliua suksesshëm.

?Pra në këtë kuptim ndërmarrja e një nisme të tillë, këmbëngulja për ta çuar deri në fund, thyerja e rezistencës aq e madhe që ishte nga ana e mazhorancës kundër këtij ligji, krijimi i një mbështetjeje të madhe ndërkombëtare për këtë ligj tregojnë një kapacitet lidershipi te Basha, të jemi realistë. Berisha kurrë në opozitë nuk ka arritur që të ketë një fitore të tillë si opozitar, Rama kurrë nuk ka arritur një fitore të tillë si pjesë e opozitës, Nano po ashtu?, shprehet Mustafaj.

Megjithëse e sheh si një lider premtues të të djathtës dhe me balance pozitive Mustafaj në këndvështrimin e tij, thotë se nga jashtë Basha duket i ndikuar shumë nga ish-kryeministri dhe ish kreu i PD-së Sali Berisha, por duhet t?i tregojë kufirin, sipas tij.

Lidhur me koalicionit Mustafaj ka shpresë tek Basha edhe për produkt pozitiv duke u bazuar tek aftësitë e tij. ?Një koalicion me Ilir Metën nuk mund të ketë një program 100% të djathtë sepse Meta do të jetë partia e dytë e koalicionit dhe për pasojë do të ketë peshën e saj në program?, shprehet ai. Por teza e tij është një koalicion i qëndrës së djathtë, pra që nuk presupozon Metën.

Berisha, tmerrësisht kurajoz, por e rrëmben protagonizmi

Duke e konsideruar politikën teatrale, artificialisht shumë konfliktuale. Të rrëmbyer shikon edhe ish-kryeministrin Berisha për të cilin thotë se e rrëmben protagonizmi.

?E shoh përballë Ramës në këtë lloj tensioni. Berisha është një njeri i aftë që të barazojë gjërat që nuk kanë asgjë të përbashkët. Ai bëri denoncimet për Shullazin. Një veprim tmerrësisht kurajoz dhe i çmuar për vendin. Por fill pas kësaj doli dhe iu bëri thirrje shqiptarëve që të armatosen për të mbrojtur veten. Pra, në këtë kuptim ai nuk di ta nxjerrë në pah kontributin e vet, sepse e rrëmben edhe atë protagonizmi njësoj si Ramën dhe bën pastaj zhvlerësimin e vetvetes në mënyrë sistematike?.

Do t?i përkasë vijës së parë apo jo në rradhët e Partisë Demokratike Besnik Mustafaj ka vendosur që këtë dilemë ta zgjidhë deri në fushatën e zgjedhjeve të 2017-s, por ka të qartë mendimin për lidershipin e PD-së.

?Në këtë kuptim, nuk bëhet fjalë për rikthim te PD-ja sepse aty kam qenë. Ka vetëm herë pas here dalje në vijën e parë sepse unë kisha ikur nga vija e pare.?, shprehet Mustafaj. /Citynews.al