web counter
LEXO PA REKLAMA!

SHKARKO APP

App Store
Google Play

Rama: Ne do të ndërtojmë rrugën e Arbrit/ Muharremi do të zgjidhë hallet tuaja

9 Shtator 2016, 11:25, Aktualitet CNA

Në mbyllje të fushatës në Dibër kryetari i Partisë Socialiste Edi Rama tha se është koalicioni PS-LSI ai që do të përfundojë rrugën e Arbrit, ndërkohë që shtoi se PD në qeverisjen e saj nuk përfundoi asnjë rrugë, duke përfshirë këtu edhe rrugën e Kombit.

Ai tha se qeverisja e PD nisi shumë projekte dhe hapi shumë kantiere por nuk kishte paratë e duhura për ti mbyllur.

?Jemi në që do të ndërtojmë rrugën e Arbrit. PD do thotë se sheshi ishte bosh, por ju të gjithë jeni për Muharrem Ramën. PD nuk përfundoi asnjë rrugë, por hapi kantiere pa pasur para. PD nuk bëri deri në fund as rrugën e Kombit? tha Rama.

Duke u ndalur tek kandidati i opozitës për bashkinë e Dibrës, Sherefedin Shehu, Rama tha se ai është kandidat halli, ndërsa Muharrem Rama është njeriu që do të zgjidhë hallet e dibranëve.
?Ju do jeni më 11 shtator për Muharrem Ramën. Muharremi është këtu për Dibrën. Shehu kandidat nga halli, Muharremi do të zgjidhë hallet tuaja?, theksoi kreu i PS-së.

Rama renditi arritjet dhe bëri krahasime mes investimeve të bëra nga demokratët dhe qeveria e tij si dhe hodhi poshtë ato qëe ai i quajti pretendimet e opozitës për diskriminim të veriut me fonde. /Citynews.al

 





Lajmet e fundit nga