Basha: Rektorët të mos çertifikojnë krimin me maturantët/ Do rihapim universitetin e Peshkopisë

9 Shtator 2016, 11:02, Aktualitet CNA

Kryetari i Partisë Demokratike, Lulzim Basha i ka bërë thirrje rektorëve të mos pranojnë të ccertifikojnë këtë krim që qeveria do të bëjë me maturantët. I shoqëruar nga kandidati për kryetar bashkie i Dibrës, Sherefedin Shehu në një takim me maturantë dhe studentë të Dibrës me ka deklaruar se ka kërkuar dhe nga KLSH auditim.

?Unë i kam bërë thirrje publikisht dhe nesër do t?ia bëjë zyrtarisht Kontrollit të Lartë të Shtetit të nisë menjëherë auditimin. Thirrje rektorëve të universiteteve që qeveria dëshiron t?i shtijë në dorë me këtë sistemin e bordit të administrimit të mos pranojnë, të mos certifikojnë këtë krim?, tha Basha.

Ai i premtoi maturantëve angazhim maksimal në zgjidhjen e kësaj ccështjeje nga ana e PD-së.

?Nuk duan t?ia dinë, nuk iu bëhet vonë se në çdo vend normal në qoftë se do të kishte ndodhur skandali që ka ndodhur këto 48 orë, minimumi ministri i Arsimit do të ishte larguar. Ne do të hedhim disa hapa konkretë në mbështetjen tuaj. Ne do të çojmë një grup deputetësh në Agjencinë Kombëtare të Provimeve për të parë konkretisht çfarë ka ndodhur, si ka ndodhur dhe pse ka ndodhur?, theksoi Basha.

Studentët shprehën shqetësimin edhe për tarifat e larta të cilat ua pamundësojnë vijimin e studimeve. Një tjetër shqetësim ishte dhe mbyllja e filialit të Universitetit të Peshkopisë, për të cilin kreu i demokratëve premtoi hapjen e tij me ardhjen ne pushtet.

?Me ardhjen tonë në pushtet mbështetje të padiskutueshme, të drejtpërdrejtë nga buxheti i shtetit për çdo të ri dhe të re që dëshiron të studiojë duke i krijuar mundësi aty ku mundemi, afër shtëpisë së tyre, siç është filiali i Peshkopisë dhe kudo ku ka universitete publike. Çdo student apo studente do të mundë të studiojë me një tarifë të përballueshme, të subvencionuar në raste të caktuara nga shtetit. Askujt nuk do t?i mohohet e drejta për të studiuar?, tha Basha.

Maturantët shprehën shqetësim për situatën e krijuar me pranimet në universitete. Ata u ankuan se kaosi i krijuar, nga paaftësia, ndryshimi i rregullave në minutën e fundit dhe pseudoreforma në arsim i ka privuar padrejtësisht nga e drejta për të vijuar studimet e larta. /Citynews.al