web counter
LEXO PA REKLAMA!

SHKARKO APP

App Store
Google Play

Meta pret Princin e Arabise Saudite

8 Shtator 2016, 15:53, Aktualitet CNA

Kryetari i Kuvendit z. Ilir Meta priti Lartësinë e Tij Mbretërore, Princin Sultan bin Salman bin Abdulaziz Al-Saud të Arabisë Saudite.
Kryetari i Kuvendit z. Ilir Meta priti sot Lartësinë e Tij Mbretërore, Princin Sultan bin Salman bin Abdulaziz Al-Saud të Mbretërisë së Arabisë Saudite të cilit i uroi mirëseardhjen në Shqipëri.
Kryetari i Kuvendit z. IlirMeta shprehu kënaqësinë e vizitës së Princit Sultan bin Salman bin Abdulaziz Al-Saud dhe vuri në dukje se kjo vizitë dëshmon për vëmendjen që autoritetet saudite i kushtojnë forcimit të marrëdhënieve me Shqipërinë.
Duke vlerësuar marrëdhëniet historikisht miqësore mes dy popujve tanë, Kryetari i Kuvendit z. Meta nënvizoi se Kuvendi i Shqipërisë ka vullnetin për të intensifikuar bashkëpunimit ndërparlamentar me Arabinë Saudite, në funksion të rritjes së shkëmbimeve ekonomike, tregtare dhe të investimeve saudite në Shqipëri e rajon.
Princi Sultan bin Salman bin Abdulaziz Al-Saud, pasi vlerësoi ngrohtësinë dh mikpritjen shqiptare, vuri në dukje se vizita e tij këtu lidhet me eksplorimin e mundësive për forcimin e bashkëpunimit konkret mes dy vendeve në të ardhmen.
Në këtë drejtim, Lartësia e Tij Mbretërore duke përcjellë përshëndetjet më të përzemërta nga ana e Kryetarit të Këshillit të Surës së Arabisë Sudite, Dr. Abdullah Bin Mohammed Bin Ibrahim Al-Sheikh, ripërsëriti ftesën për vizitën zyrtare të Kryetarit të Kuvendit të Shqipërisë në Mbretërinë e Arabisë Saudite.





Lajmet e fundit nga