web counter
LEXO PA REKLAMA!

SHKARKO APP

App Store
Google Play

E fundit!

x

Totozani: Shqetësim, mosgarantimi i të drejtës për azil pa diskriminim

7 Shtator 2016, 09:08, Aktualitet CNA

Në cilësinë e Avokatit të Popullit të Shqipërisë dhe të Presidentit të Shoqatës së Ombudsmanëve të Mesdheut, Igli Totozani në një konferencë dy-ditore e nivelit të lartë: ?Sfidat e institucioneve të Ombudsmanit përballë flukseve të përziera migratore?, me pjesëmarrjen e Kate Gilmore, Zv. Komisionere e Lartë e OKB-së për të Drejtat e Njeriut ka theksuar se qëllimi i aktivitetit mbetet efektiviteti i punës sonë, në kushtet e trajtimit të krizës së refugjatëve dhe migrantëve sot në Europë, qofshin vendet prej nga ne vijmë, vende origjine, tranziti apo destinacioni të flukseve migratore të përziera. ?Po kështu, është e nevojshme të sigurohet një ndërveprim shumëplanësh për të kundërvepruar ndaj gjuhës së urrejtjes, racizmit dhe ksenofobisë, e cila ka pasoja për situatën e të drejtave të emigrantëve dhe në të njëjtën kohë shkakton edhe erozion të vlerave dhe parimeve themeltare të diversitetit, tolerancës dhe bashkëjetesës në shoqëritë demokratike?, tha Totozani.

Ai theksoi se në kontekstin imediat, duhet të adresojmë krizën humanitare dhe të garantojmë të drejtat bazike të emigrantëve, që mbërrijnë në brigjet dhe territoret e lakmuara të Europës. ?Një përgjigje adeguate kërkon koordinim dinamik të aktorëve në nivel lokal, rajonal dhe ndërkombëtar, me qëllim mobilizimin e burimeve financiare, logjistike e njerëzore të duhura për t?u ardhur në ndihmë, të gjithë atyre që kanë nevojë për mbrojtje ndërkombëtare.Shqetësim tepër i madh është profilizimi i refugjatëve bazuar tek nacionaliteti dhe mosgarantimi i të drejtës së aksesit ndaj procedurave të azilit pa diskriminim?, theksoi Totozani.

?Ndërsa shoh dhe ndjej angazhimin sinjifikativ të institucioneve tona të mbrojtjes dhe respektimit të të drejtave të njeriut, në këtë konferencë të nivelit të lartë, natyrshëm me vjen ndërmend një nga thëniet më të bukura të Nënë Terezës: ?Ne s?mund të bëjmë dot gjëra të mëdha, vetëm gjëra të vogla me dashuri të madhe?, tha Totozani.

Ai nënvizoi se sfidat dhe vështirësitë që na përshfaq kjo situatë duhet të na shërbejnë si mundësi suksesi për të mirën e përgjithshme dhe lartësim të vlerave njerëzore në të ardhmen. /Citynews.al

 





Lajmet e fundit nga