web counter
LEXO PA REKLAMA!

SHKARKO APP

App Store
Google Play

E fundit!

x

Basha: Kandidati Rama në Dibër pjesë e allishverishit me klanet e krimit

5 Shtator 2016, 14:07, Aktualitet CNA

Kryetari i Partisë Demoratike Lulzim Basha në një takim në Dibër ka denoncuar daljen e Muharrem Ramës si pjesë e një allishverishi politik dhe jo si kandidat socialist.

?Të gjithë e dini që Muharrem Rama, për të cilin ju shprehët respektin si profesionist, nuk ka dalë  si kandidat i PS, por ka dalë si pjesë i një allishverishi që dorëzon automatikisht me letër 50% të pushtetit të bashkisë Dibër me klanet e errëta të krimit. Dhe ju e dini nga përvoja juaj se nesër ku 50% do të jetë 60%, e 70%, e 80%, derisa pushtetin lokal në Dibër ta kenë kapur përfundimisht krimi, bandat e ta përdorin për interesat e tyre, për pasurimin e tyre, për drogën e jo për socialistët dibranë e as për demokratët dibranë, për asnjë dibranë të ndershëm?.

Basha ka falenderuar  socialistët e dibrës duke thënë : ?U jam shumë mirënjohës që më keni ftuar sot në këtë takim tuajin, të socialistëve dibranë dhe vij me zemër të hapur për të biseduar me ju dhe për të ndarë me ju të gjitha çështjet dhe problemet që ju shqetësojnë, të gjitha hallet që na bashkojnë dhe mbi të gjitha zgjidhjet që do të na bashkojnë nesër për t?u dhënë këtyre halleve rrugën e zgjidhjes, rrugën e vërtetë të ndryshimit, të ndryshimit për ju dhe jo për kryetarët e partive?.

?Më lejoni ta nis me një falënderim nga zemra për kontributin tuaj politik ndër vite. Po, po! Si kryetar i Partisë Demokratike nuk kam asgjë tjetër në zemrën time, për çdo socialist dhe socialiste dibrane, për çdo socialist shqiptar anembanë vendit që ka kontribuar me zemër në partinë e tij apo të saj politike duke shpresuar dhe besuar se kështu do të kontribuonte për një ndryshim pozitiv për vendin e tyre, për Shqipërinë tonë të përbashkët.

Basha ka falenderuar socialistët që i janë bashkuar PD-së në zgjedhjet në Dibër ?Nderimi maksimal për të gjithë ata që i bashkohen çdo force politike edhe kundërshtarëve tanë historike, Partisë Socialiste të Shqipërisë për sa kohë që i bashkohen që me kontributin tuaj, me djersën tuaj të ballit, me sakrificën tuaj dëshironi të sillni një ndryshim pozitiv për familjen tuaj, për komunitetin tuaj, për atdheun dhe kombin tonë të përbashkët, për Shqipërinë. E kam refuzuar dhe refuzoj çdo stigmatizim që ka për qëllim përçarjen e shqiptarëve?, tha Basha para dibranëve.

?Unë e di çfarë ju ka sjellë në këtë sallë. Unë e di se çfarë na bashkon sot në këtë sallë. Një hall i madh që ka kapur jo vetëm Degën e Partisë Socialiste Dibër por  Partinë Socialiste anembanë Shqipërisë dhe këto janë aleancat, jo tuajat si socialistë i thjeshtë por të atyre të përfitojnë nga pushteti, të krerëve tuaj me persona me rekorde kriminale të cilët diktojnë nga mëngjesi deri në darkë se kush do të punësohet, si do të punësohet, se kush merr tenderat, se kush bën emërimet, madje edhe se kush emëron kandidatët për kryetar bashkie?, theksoi Basha. /Citynews.al





Lajmet e fundit nga