Hazizaj: Shpejtimi i ligjit për SPAK zgjidh ngërçin e mungesës së dispozitës tranzitore/ Ligji i dekriminalizimit i dështuar

4 Shtator 2016, 10:03, Aktualitet CNA

Përshpejtimi i punës së Kuvendit për miratimin e ligjit bazë për organizimin dhe funksionimin e SPAK, është mënyra më e thjeshtë për zgjidhjen e ngërçit që ka krijuar mungesa e disozitës tranzitore në Kushtetutën e re. Ky është argumenti që jep juristi Sokol Harizaj ndërsa ka deklaruar se politika dhe ekspertët e angazhuar për reformën në drejtësi nxituan me ndryshime kushtetuese. Në një intervistë për gazetën ?SOT?, ai deklaroi se dokumenti përfundimtar ka shumë probleme dhe ka krijuar ngërçe sa i takon zbatimit.

?Mungesa e dispozitave tranzitore të juridiksionit fillestar që ka Gjykata e Lartë dhe Prokuroria e Përgjithshme është konstatim i drejtë, zgjidhja e së cilës ka dy mënyra: Mënyra e parë që do ishte më klasike është rimbledhja e Kuvendit dhe formalizimi i dispozitave edhe të organeve të tjera të parashikuara në Kushtetutë nëpërmjet interpretimit të dispozitave tranzitore për kalimin e çështjes. Por ajo që është më e thjeshtë në kuptimin formalo-juridik, është mbledhja e menjëhershme e Kuvendit ose përshpejtimi i punës së Kuvendit për miratimin e ligjit bazë për organizimin dhe funksionimin e SPAK, e cila nuk e pengon dot Kuvendin për t?u mbledhur ashtu siç veproi për vetingun?, tha Hazizaj.

?Çdo punë e nxituar është e pambaruar! Duhet që ekspertët si vendas dhe të huaj, për shkak të nxitimit për të arritur një konsensus të imponuar, nuk ngritën qartazi skemën piramidale për organizimin dhe funksionimin e institucioneve për ligjet e Kushtetutës?, vijon Hazizaj duke nënviuar se kushtetuta gjatë prodhimit të saj në realitet ka paqartësi të tjera të cilat dalin rrugës.

Lidhur me rihapjen e dosjeve të mëdha të korrupsionit Hazizaj shprehet se ?Për shkak të parashikimeve në Kushtetutë, të gjitha proceset rishtazi që janë duke u hetuar nga Prokuroria e Krimeve të Rënda kalojnë me shpjegim të veçantë në Strukturën e Posaçme Anti-korrupsion, SPAK. Përsa i përket proceseve të ezauruara, të mbyllura, ligjërisht dhe procesverbalisht, ato rihapen vetëm për dy momente: Kur ka prova të reja, pra kur ka provë të re proceduralisht dhe rasti i dytë, rihapja e një çështje të rëndë?.

Nga ana tjetër ai e quajtinjë ligj të dështuar ligjin për dekriminalizimin. ?Procesi i dekriminalizimit për ruajtjen e integritetit të figurave të funksionarëve të lartë, më tepër ka shërbyer si fletë rrufe se sa është një proces i rregullt ligjor. Ky proces do të mbetet në standardin siç ka filluar dhe vazhdon, pra në standardin 0, përsa kohë nuk shoqërohet me reformën zgjedhore?, tha juristi Hazizaj. /Citynews.al