web counter
LEXO PA REKLAMA!

SHKARKO APP

App Store
Google Play

PDIU: Greqia shkel sovranitetin me kërcënime/ Muhedini: Ministrin duhej ta kishim marrë me kohë

4 Shtator 2016, 09:29, Aktualitet CNA

 

PDIU kërkon që Athina të mos fusë hundët në punët e brendshmë të Shqipërisë e të partisë së çamëve. Greqia ka kërcënuar se, në raste se Rama u jep çamëve një post ministror, shteti grek do të vendosë veto për integrimin e Shqipërinë në BE. Në një reagim për gazetën ?SOT?, deputeti i Partisë Drejtësi, Integrim dhe Unitet, Tahir Muhedini, thotë se ndërhyrjet e shtetit grek janë cenim i sovranitetit të shtetit shqiptar. Ai thekson se Shqipëria është një shtet sovran dhe askush nuk mund të ndërhyjë në politikën dhe në punët e brendshme. ?Ne jemi shtet sovran dhe nuk pranojmë të ndërhyjnë në politikën dhe qeverisjen tonë. Ky nuk është rasti i parë që shteti grek po ndërhyn në politikën e brendshme shqiptare dhe sidomos në lidhje me vendosjen e zotit Idrizi nënkryetar i Parlamentit. Reagimet shkuan deri atje sa thanë se do të prishim marrëdhëniet me Shqipërinë. Po ashtu, kur PDIU mori postin e zëvendësministrit të jashtëm, sërish pati një reagim dhe erdhi dhe ministri i Jashtëm dhe tha do të prishen marrëdhëniet?, tha deputeti i PDIU. Në vijim, Muhedini shprehet se reagimet e shtetit grek e kanë zanafillën vite më parë kur ekonomia shqiptare kishte varësi të madhe nga shteti fqinj.

Sipas Muhedinit, kjo tani është korrigjuar dhe kryeministri Rama mban qëndrim korrekt, duke i thënë shtetit grek se nuk mund të ndërhyjë në politikën e brendshme. ?Mendoj se këto reagime kanë një zanafillë të kahershme. PS para 2005 e gjithë politikën dhe e gjithë ekonominë e kishte bazuar tek shteti grek. Edi Rama e ka ndryshuar këtë kurs dhe ia ka bërë të qartë se marrëdhëniet dy paleshe duhet të jenë sa më të mira, por nuk lejohet dhe nuk do të lejojë që të ndërhyjë në punët e brendshme, me kë bashkëpunojmë dhe me kë nuk bashkëpunojmë?, nënvizon në vijim deputeti Muhedini. /Citynews.al

 





Lajmet e fundit nga