E fundit!

18:12 Aktualitet

Zjarr në unazën jugore të Elbasanit/ Shpërthime gjatë operacionit për shuarjen e flakëve

Një zjarr ka përfshirë pasditen e sotme një sipërfaqe tokë...

Në vend të kujtesës për ambasadorin LU/Nga Elvi FUNDO

26 Gusht 2016, 08:01, Aktualitet CNA

Disa muaj më parë kur filloi procesi i miratimit të ?Reformës në Drejtësi? shumica e shqiptarëve ishin pro saj, por skeptike.

Politika zhvilloi lojën e saj për të mbrojtur deri në fund armatën e gjyqtarëve blu, rozë apo mavi. Një turmë e veshur me pushtet dhe imunitet ?special? Fillojnë që nga Shkodra e gjer në Vlorë, që nga Korça e gjer në Kukës. Tirana është ?hambari? i këtyre ?shushunjave? që pretendojnë se janë drejtësia.

Këtu e kam fjalën për ata që në emer të popullit japin drejtësi me disa mijëra euro në xhepa, janë ata që kanë liruar kriminelë, kanë shkatëruar e vjedhur prona, kanë futur në konflikt motrën me vëllanë dhe në fund jastëku i tyre është plot. Jo me pambuk por me të ardhurat e krimeve të tyre duke dhënë ?drejtësi?.

I nderuar z. Ambasador LU, me nisjen e reformës kam shkruar një material të cilin shpresoj që stafi ta ketë referuar dhe të jeni vënë në dijeni. Ky është linku i shkrimit (http://www.citynews.al/2016/01/a-eshte-kjo-gjyqtare-e-korruptuar-ne-vend-te-nje-letre-drejtuar-ambasadorit-te-shba-ve-donald-lu/1)

Unë mora shembull një gjykatëse në Korçë, të denoncuar nga Fiks Fare, por që besoj me pak hetim nga organet kompetente do zbardhet gjithçka. Prona, pasuri dhe përfitime të ardhura jo vetëm nga padrejtësi në vendime, por nga përfitime politike. Përfitimet politike vinin nga ?fati? që kishte kjo zonjë duke qenë anëtare e Kolegjit Zgjedhor.

Quhet Entela Prifti dhe është kryetare e Gjykatës së Apelit në Korçë. Kjo është tek grada më e lartë, kjo nuk do të thotë që është vetëm një individ e denoncuar në media. Ata të gjykatës të Faktit (gjithmonë në Korçë), përfshi dhe kryetarin janë edhe më skandalozë, por punojnë si milingona jo si peshkaqenë.

Në kujtesë dhe besimin që me autoritetin tuaj do të jeni garant që Reforma do zbatohet, ka edhe një detaj të ri. Kryetarja e Gjykatës të Apelit në Korçë, ?lufton? për ti hequr bukën e gojës një rojeje. Është ai që duket tek kamerat e Fiks Fare dhe flet e tregon se ku ndodhet vila Restorant e Bar e vlerësuar 1 milion euro.

Po zoti Ambasador, betejë të madhe ka pasur një roje institucioni se Entela Prifti kërkonte ti hiqte bukën e gojës se tha të vërtetën. Ai roje foli, megjithse tek kamerat e fshehta, tani është koha të zbardhet e vërteta që tha një qytetar i ndershëm i cili u kërcënua me bukën e gojës më pas. Ju i nderuar ambasador duhet të jeni garancia e tij, e medias që e denoncoi rastin për të mos lejuar që qokat politike të shpëtojnë gjykatës të llojit Entela Prifti.

Jo si kokë turku, jo në emër të reformës, por si drejtësi e vërtete në emër të ligjit./Shkruar për CityNews.al