E fundit!

16:18 Politikë

"Paketa e Maleve është e kundërta e asaj që thuhet"/ Rama takim me banorët e Thethit

Kryeministri Edi Rama po zhvillon ditën e sotme një bashkë...

Tafaj: Qeveria buxhet luksi, arsimi në pikë të hallit. Rama mburret me shkollat e Berishës

16 Gusht 2016, 09:00, Aktualitet CNA

Ish-ministri i Arsimit në qeverinë Berisha Myqerem Tafaj në një prononcim për Citynews.al deklaroi se kryeminstri Rama ka miratuar një buxhet luksi për 2016 ndërsa arsimi është katandisur si mos më keq. Sipas Tafajt buxheti i arsimit është ulur ndërkohë që nevoja e këtij sektori janë shumë të mëdha. ?Qeveria Rama ka parashikuar, në buxhetin e vitit 2016, një buxhet luksi prej 80 milion USD, ndërkohë që investimet e parashikuara në arsim, pra për rreth 650 mijë nxënës dhe studentë në arsimin tonë publik, ishin 35 milion USD, dhe tani u katandisën në 20 milion USD!. Sikur gjysma e buxhetit të luksit të qeverisë të përdorej për arsimin, buxheti i investimeve në këtë sektor kaq prioritar do të ishte dyfishuar.? Ish-ministri i Arsimit në qeverinë Berisha tha se qeveria e tanishme mburret me projektet e shkollave të qeverisë Berisha. ?Rama mburret me shkollat e filluara nga Berisha! Kryeministri Rama qenka mburrur për përfundimin e rikonstruksionit a ndërtimin e 125 shkollave në 3 vjet qeverisje! Në fakt, rreth 90% e këtyre projekteve janë miratuar që në mars 2013 nga Qeveria Berisha, në kuadër të Fondit të Zhvillimit të Rajoneve.? Duke vlerësuar buxhetin e qeverisë Rama si të pamjaftueshëm në drejtim të arsimit Tafaj thekson se po të ishte për Qeverinë Rama ndoshta as dhjetë projekte nuk do të ishin miratuar, sepse buxheti i investimeve në arsim ka ardhur duke u ulur nga viti në vit. ?Me aktin e fundit normativ për buxhetin 2016, kjo qeveri uli me 43% buxhetin e investimeve në arsim. Rama nuk mund ta konsideroj sukses të madh përfundimin e projekteve të filluara nga Berisha, sepse dhjetëra shkolla të tjera, në mbarë vendin, kanë nevojë urgjente për rikonstruksion të plotë, në mënyrë që të kenë kushte minimale për mësim?, shprehet Tafaj. Duke bërë një bilanc të punës në qeverinë Berisha ish-Ministri Tafaj krahas saj rendit edhë bëmat e qeverisë Rama dhe faktet sipas tij flasin vetë. ?Në qeverisjen tetëvjecare të PD u ndërtuan dhe rikonstruktuan 1245 shkolla dhe kopshte. Se sa e ka mbështetur kjo qeveri përmirësimin e infrastrukturës në arsim, tregon edhe fakti tjetër që, tre universiteteve publike iu morrën godina nga kjo qeveri: godina e Fakultetit të Gjeologjisë të UPT, godina e Qendrës së Studimeve Albanologjike, një godinë e Universitetit të Korcës. Arsimi publik shqiptar ka nevoja jashtëzakonisht të mëdha për investime me përparësi?, tha Tafaj. Ish ministri i arsimit shprehet për Cityneës se nevojat e arsimit janë të mëdha ndaj dhe për këtë sektor duhet investuar të paktë 3 herë më shumë se sa financohet aktualisht, për të ardhur arsimi në kushte normale. ?Buxheti i investimeve në arsimi duhet të rritet së paku 3 herë, në mënyrë që, për një përiudhë kohore prej rreth 5 vitesh, të arrihet të krijohen kushte realisht normale për mësim për cdo nxënës dhe student në arsimin publik. Nuk mund të vazhdojmë të kërkojmë rritje të cilësisë kur ka ende dhjetra shkolla dhe kopshte me kushte mizerable, kur shumë godina të universiteteve publike janë në gjendje të mjerueshme dhe pedagogët nuk kanë kushtet minimale për punë, pa folur për laboratorët mësimorë ?shkencorë?, tha Tafaj. /Citynews.al