E fundit!

10:15 Kronika

E rëndë në Kukës/ Efektivi vetëvritet me armë në varrezat e fshatit

Një ngjarje e rëndë ka ndodhur në Morinë të Kukësit. Në v...

Dialogu për demarkacionin në ngërç

10 Gusht 2016, 09:27, Aktualitet CNA

Situata aktuale në Kosovë sipas analistëve vendas duket se po thellon krizën politike në vend. Këtë sipas tyre e dëshmon gazi lotsjellës në Kuvend gjë që po çon drejt përkeqësimit të mëtejshëm të situatës.

Sipas Kohës Ditore përshkallëzimi i mëtejshëm i situatës pritet me dërgimin e projektligjit për ratifikimin e Marrëveshjes së Demarkacionit të Kufirit me Malin e Zi në Kuvend.

Rruga e vetme për zgjidhje urgjente sipas analistëve është dialogu, por kjo zgjidhje duket ende në ajër, pasi gazi lotsjellës është kthyer të martën në Kuvend pikërisht gjatë mbledhjes së Komisionit të Jashtëm për ratifikimin e Marrëveshjes së Demarkacionit të Kufirit me Malin e Zi.

Deputeti i Lëvizjes për vetëvendosje Driton Çaushi pak para votimit të projektligjit për Demarkacionin e Kufirit, ka hedhur gazin lotsjellës në sallën ku mbahej mbledhja.

Analisti Imer Mushkolaj në një prononcim për Radion Europa e Lirë ka deklaruar se autoritetet e Kosovës e kanë humbur rastin për një zgjidhje të situatës në vend.

?Është shumë vonë të gjendet një zgjidhje e cila nuk e përmban gazin lotsjellës dhe nuk e përmban dhunën, pasi që është lëshuar rasti me kohë që kjo gjendje të zgjidhet?.

Një analist tjetër i çështjeve politike Ismaj Hasani duke parë situatën e nderë politike mbi këtë çështje e cila nuk po gjen zgjidhje prej javësh thekson se vetëm dialogu është zgjidhja, por e sheh pesimist situatën.

?Nuk ka rrugë tjetër përveç dialogut sepse marrëveshja duhet të ratifikohet në Kuvendin e Kosovës, rrugë tjetër nuk ka.

Megjithatë, analistët shprehen pesimist se para votimit në Kuvend të marrëveshjes për Demarkacion, do të ketë ndonjë konsensus politik. Aq më tepër kur qeveria tashmë e ka proceduar Projektligjin në Kuvend dhe ai po u nënshtrohet procedurave deri në seancën kur pritet të votohet./Citynews