E fundit!

19:42 Aktualitet

52 ditë protestë kundër qeverisë/ Qytetarët marshojnë drejt Kryeministrisë

Në sheshin “Skënderbej” janë grumbulluar qytetarët për pro...

Në Mitrovicë, mes shumë artistëve shoh pak art

6 Gusht 2016, 11:13, Aktualitet CNA

Nga Bujar Meholli

Fillimisht dua të potencoj se ndjehem krenar që i përkas komunitetit mitrovicas. Por, qyteti verior ka pësuar shumë ndryshime gjatë viteve. Dikur një qendër e kulturës, me festivale e aktivitete të ndryshme, sot i shndërruar në një qytet të varfër, pa shpirt dhe emocion. Nuk mund të them se Mitrovica është në mungesë të artistëve edhe në ditët e sotme. Por, fatkeqësisht artistëve sipërfaqësor.

Kur them sipërfaqësor, e kam fjalën tek arti i tyre që e bëjnë më shumë për përfitime materiale, rritje të famës, apo sido që ta quaj! Më dhemb derisa i shkruaj këta rreshta, mirëpo unë dhe shumë qytetarë të Mitrovicës gjitha shpresat i kemi tek të rinjtë. Tek ata, që duhet të jenë akterët kryesorë në ndryshimin e kësaj katrahure të cilën e pranuam apo jo, e ka kapluar qytetin?

(Jo vetëm në fushën e Kulturës).

Dikush për këtë gjendje mund ta hedh fajin tek institucionet përkatëse ose ngjashëm, por unë mund t?ia demantojë këtë, këtij ?dikushit?. Nuk mund të jetë çdoherë faji tek institucionet, jo se ua mbajë anën, absolutisht, por e di se me ato mundësi që kanë komunarët kanë ndihmuar dhe përkrahur artistët e rinj nëpër aktivitetet e tyre. Shto këtu edhe ndihmën e organizatave të huaja. Ku mund të qëndroi problemi, atëherë?

Sipas meje, në mungesën e shpirtit artistik tek artistët (të rinjtë) tanë. Idetë e tyre, më duhet të them se janë bërë klishe, dhe kjo mund të vërehet qartë.

Pastaj, shumica e tyre kanë problem t?i njohin rrymat e artit, që është hapi i parë për një artist. Ata mundohen t?i kombinojnë gjërat, të duken kreativ, por realisht as vetë nuk e dijnë se ç?dojnë dhe ç?bëjnë. Mbase për këtë edhe institucionet tashmë janë bërë indiferente, nëse mund të them kështu?

Në Mitrovicë, mes shumë artistëve shoh pak art, dhe këto që i ceka sipër mund të jenë vetëm disa nga problemet, që po e stagnojnë përparimin e kulturës në qytetin tonë. Për fund, dua ta ndaj një këshillë me lexuesit e këtij shkrimi tim, dhe qytetarët e dashur të Mitrovicës;

?Nuk ka nevojë çdo i dyti t?i thotë vetes artist e produktivitetin ta ketë zero, derisa mund t?i hulumtojë fushat tjera, dhe pse jo, ta japë maksimumin për të mirën e përbashkët.?

/citynews/