E fundit!

13:28 Ekonomi

Vendimet e bordit/ Ulet çmimi i benzinës, nafta vijon rritjen

Bordi i Transparencës në datë 4 qershor 2026, në mbledhjen...

Raporti mbi cilësinë e plazheve/Ja zonat më të pastra dhe më të ndotura

5 Gusht 2016, 10:27, Aktualitet CNA

Bregdeti shqiptar në rreth 90 % të tij konsiderohet i pastër, me cilësi nga mjaftueshëm në shumë të mirë. Ndërkohë vetëm 10 % e tij klasifikohet me cilësi të keqe.

Të dhënat bëhen të ditura nga Agjensia Kombëtare e Mjedisit në raportin e saj në lidhje me cilësinë e plazheve. Sipas raportit, 68% e plazheve të bregdetit shqiptar janë të kategorisë A ? Cilësi shumë e mirë; 15 % janë të kategorisë B – Cilësi e mirë; 6 % e tyre janë të kategorisë C – Cilësi e mjaftueshme, ndërkohë që 10 % e tyre i përkasin kategorisë D- Cilësi e keqe.

Të dhënat janë grumbulluar nga 78 stacione monitorimi të instaluara në plazhet më të populluara për vitin 2015.

Por plazhet me ndotjen më të lartë, janë pikërisht zonat më të frekuentuara nga pushuesit vendas dhe turistët dhe bëhet fjalë për Sarandën e Vlorën. Ndërkohë edhe Durrësi përfshihet në këtë kategori.

Nga monitorimi rezulton se Plazhet e Velipojës, Shengjinit, Gjiri i Lalzit, Dhërmiut, Qeparoit, Borshit dhe Ksamilit, për vitin 2015 janë plazhet me cilësine më të mirë të ujrave të larjes në të gjithë bregdetin, ku 100% e rezultateve të tyre i përkasin Kategorisë A – Cilësi shumë e mirë e ujrave.

Në Plazhin e Durrësit për vitin 2015, 48 % e ujrave i përkasin kategorisë A- Cilësi shumë; 29 % e ujrave i përkasin kategorisë B- Cilësi e mirë e ujrave; 5 % i përkasin kategorisë C – Cilësi e mjaftueshme dhe 19 % i përkasin kategorisë D – Cilësi e keqe.

Në Plazhin e Kavajës 30 % e ujrave i përkasin kategorisë A, 40 % e ujrave i përkasin kategorisë B, dhe 30 % i përkasin kategorisë C – Cilësi e mjaftueshme.

Plazhi i Vlorës për vitin 2015 rezulton: 64 % të cilësisë së ujrave i përkasin kategorisë A- Cilësi shumë e mirë; 9 % i përkasin kategorisë B – Cilësi e mirë; 9 % i përkasin kategorisë C – Cilësi e mjaftueshme dhe 18 % i përkasin kategorisë D – Cilësi e keqe.

Ndërsa Plazhi i Sarandës për vitin 2015 rezulton: 67 % të cilësisë së ujrave i përkasin kategorise A të cilësisë ? Cilësi shumë e mire dhe 33 % i përkasin kategorisë D – Cilësi e keqe.

Faktori kryesor i ndotjes së ujrave bregdetarë të larjes, sipas Agjencisë Kombëtare të Mjedisit, mbeten shkarkimet e ujrave urbane të pa trajtuara në ujrat pritëse bregdetare në menyrë direkte dhe indirekte. /citynews/